Üzməsin ağrı-ah səni,
Hifz eyləsin Allah səni.
Vaxtın varmı, sabah səni,
Görməyə icazə olar?
Xoşladım ərkan-arını,
İstəsən, verrəm varımı.
Qoynunda bitən narını,
Dərməyə icazə olar?
Ləblərinin şirin balı,
Yaradır məndə xoş halı.
Qədəminə xalça-xalı,
Sərməyə icazə olar?
Gül əndamın gəlir xoşa,
İstəyimi çalma daşa.
De, səninlə ömrü qoşa,
Sürməyə icazə olar?
Bir sor: ,,Şair, diləyin nə?
Sözün nədir mələyinə?”
Ürəyimi ürəyinə
Verməyə icazə olar???