məni sevmə… yazıq olar canına…
ahu gözlərimdə dumanlanarsan…
ya nə bilim… oxşadarsan anana,
ya məni baharın gülü sanarsan…
məni sevmə… yazıq olar canına…
mən axı baharın gülü deyiləm…
hər əsən yarpağa kövrəlməyim var,
hər yağan yağışdan umub-küsürəm…
məni sevmə… yazıq olar canına…
“qara sevdan….,, olsam əgər yanarsan…
fəsil-fəsil səndə ölsəm dinmərəm…
gedişimi qatar-qatar anarsan….
məni sevmə… yazıq olar canına…
bir sevdalıq halım varmı ay adam??..
məni uzaqdan sev… agah olmadan..
mən elə… bir sözlə “uzaq…,, qadınam….