Aman Allah, ömrümüzün,
Zili varmış, bəmi varmış.
Həm sevinci, toy, büsatı,
Həm kədəri, qəmi varmış.
Duyğu qəlbin bar-bəhəri,
Dilimin qəndi, zəhəri.
Yerli-yersiz həm qəhəri,
Həm könlün xoş dəmi varmış.
Gözlər oxdur, qəlb kamanı,
Qəlbin eşqsiz yox sahmanı.
Başımın sevgi dumanı,
Gözlərimin nəmi varmış.
Kaş sevilsin, sevsin ürək,
Polad xeyir biç, xeyir ək.
Aqillərin sayı tək-tək,
Nadanların cəmi varmış.
23.03.2015