Ər igidlər, qəhrəmanlar,
Elin dərdinə yananlar,
Əbədiyyət qazananlar,
Bu dünyada ölməz olur.
Şəhid olub köçənlərim,
Yağıları biçənlərim,
Vətən andı içənlərim,
Öz əhdindən dönməz olur.
Torpaq udub çox ərləri,
At oynadan ərənləri.
Ülviyyətin şölələri,
Daim yanar, sönməz olur!
Vətən üçün töküb qanlar,
Vətənləşdi qəhrəmanlar.
Şan-şöhrətə ucalanlar,
Zirvələrdən enməz olur!