Əzizinəm, yaxşı gül,
Yaxşı danış, yaxşı gül.
Biçərsən, qanqal ölməz,
Amma solar yaxşı gül.
Əzizinəm, gül olmaz,
Arpadan sümbül olmaz.
Yüz il eşşək qanqalı
Çiçək aça, gül olmaz!
Divanədə tac olmaz,
Od yanmasa sac olmaz.
Ağıllı baş can saxlar,
Qanadlı quş ac olmaz.
Quş vurular gözündən,
İnciməyin sözümdən.
Bəni adəm görmüşəm
İlan baxar gözündən.
Gördüm, görməmiş olum,
Bildim, bilməmimiş olum!
Qələt etdim, üzünə
Güldüm, gülməmiş olum.
Belə, yalandı dünya,
Dərdə salandı dünya.
Bir üzü doğru olsa,
Biri yalandı dünya.
Dağ vardı dağlar üstə,
Qönçə budağlar üstə.
İndi bayquş oxuyur
Büllbüllü bağlar üstə.
2009