* * *
Nə vaxtacan dözəcəksən belə dərdə, Azərbaycan?
Kim çıxarar gözlərindən denən pərdə,Azərbaycan?
Qarış-qarış torpağına quzğun girib çıxmayandan,
Rus durmadı dayaq sənə xeyir-şərdə,Azərbaycan!
Əzəli torpağın olan Qarabağı tutmaq üçün,
Quzğun qoynuna yeritdi yeni ləşdə*,Azərbaycan!
İran Rusya tez bağladı arasında Türkmənçayı,
Şimal torpaqların denən qaldı nərdə,Azərbaycan?
Bıldır-bıldır gözlərindən axıtdınsarəvan yaşı,
Nə vaxtacan dözəcəksən belə dərdə,Azərbaycan?
Fevral,2008.
* * *
Kimdi səni salan denən belə dərdə, Azərbaycan?!
Boynunu da əymədin heç sən namərdə, Azərbaycan!
Ermənisi bir də rusu torpağına girən zaman,
Yandı Şirvan, yandı Gəncə,yandı Bərdə, Azərbaycan.
Həsrətindən alışandan günahsızlar külə döndü,
Unutmadım mən səni heç, xeyir-şərdə, Azərbaycan.
Çəkinmə sən, utanma sən ermənidən nə də rusdan,
Dözüm göstər,səbir göstər hər bir fərdə, Azərbaycan.
Zaman-zaman torpaqların dönüb neçə cəbhə oldu,
Boynunu da əymədin heç sən namərdə, Azərbaycan!
Aprel,2009.