31 may 2014-cü il tarixdə Bakı şəhəri, Xətai rayonunda Çağdaş Azərbaycan ədəbiyyatının görkəmli nümayəndəsi, Azərbaycanın istedadlı gənc xanım yazarı, şairə, jurnalist, publisist, “Vahid” Poeziya Məclisinin, “Məcməüş-şüəra-şairlər məclisi”nin, Dünya Gənc Türk Yazarlar Birliyinin, Azərbaycanın Mədəniyyət və Ədəbiyyat Portalının Fəxri üzvü və Yönətim Kurulunun başqanı, Azərbaycanın Mədəniyyət və Ədəbiyyat Portalının Baş redaktoru, Gündəlik İnformasiya Agentliyinin Baş məsləhətçisi Gülnarə İsrafilqızının səsləndirdiyi şeirlərə hazırlanmış foto-video çarxların təqdimat mərasimi keçirildi.Düzənlənən tədbir “BB Production”nun Direktoru, gənc yazar Teymur Həbibinin təşkilatçılığı ilə gerçəkləşdi.Tədbirin aparıcısı Turan Novruz ilk növbədə tədbir iştirakçılarını salamladı.Daha Azərbaycan Respublikasının Dövlət Himninin səsləndirilməsi ilə tədbir başladı.Azərbaycanın müxtəlif bölgələrindən, rayonlarından təşrif buyuran mədəniyyət, ədəbiyyat, incəsənət, kütləvi informasiya nümayəndələrinin nümayəndələri də tədbirdə iştirak edirdilər.Tədbiriniz aparıcısı gənc xanım Turan Novruz gənc xanım yazar Gülnarə İsrafilqızının həyat və yaradıcılıq yoluna qısa nəzər salaraq ədəbi-bədii nümunələrində yer aldığı mövzular haqqında bilgiləri tədbir iştirakçılarına sundu.Daha sonra Gülnarə xanımının yaradıcılığı haqqında “Vahid” Poeziya Məclisinin sədri və üzvləri, “Zəka və Ülviyyət” dərgisinin təsisçisi Elmira Ağayeva, Dünya Gənc Türk Yazarlar Birliyinin üzvləri, gənc yazarlar Qabil Ədalət, Emil Rasimoğlu, Gülnar Səma, İntiqam Yaşar, Azərbaycanın Mədəniyyət və Ədəbiyyat Portalının Redaksiya heyətinin üzvləri, gənc yazarlar Elçin Yazar, Sərvər Kamranlı, Nofəl Ümid, Kənan Aydınoğlu öz fikir və düşüncələrini bildirdilər.Gülnarə xanımın şeirlərinə çəkilmiş foto-video çarxlar tədbir iştirakçılarına təqdim olundu.Bu addım tədbir iştirakçıları tərəfindən müsbət qarşılandı.Tədbirin gedişatında Gülnarə xanım öz yeni şeirlərini səsləndirdi.Təşkilati dəstəyə görə “BB Production”un Direktoru, gənc yazar Teymur Həbibiyə, aparıcılıq üçün gənc xanım Turan Novruz, informasiya dəstəyi üçün kütləvi informasiya vasitələrinə, tədbirə təşrif buyuran hər kəsə öz dərin minnətdarlığını bildirdi.Sonda xatirə şəkilləri çəkdirildi.