Hey sözsüz yerindən oxudum deyə,-
Dilim bu nəğməyə tez yadırğayıb.
Daha baxışımdan daldalanmağa,-
Adına çıxdığım qız,yadırğayıb.
Könül uduzdusa eşq savaşında,
Hicran şirinləşər hər göz yaşında.
Adam isitməyə ocaq başında,-
Qaralan kül altda köz yadırğayıb.
Kəsmək də bilmir ki bu qar haçandı,
Ləngiyir ömrümə bahar haçandı.
Duman içindədir dağlar haçandı…,
Zirvəyə baxmağa göz yadırğayıb.