27 avqust tarixində ən məşhur rusdilli qəzet olan «Зеркало» və «Айна» qəzetlərinin baş redaktoru Elçin Şıxlinski redaksiyanın kollektiv heyətini toplayaraq, onlara daha qəzetin nəşrinin dayandırıldığını bildirib.Bundan əlavə o qeyd edib ki, özü də jurnalistlikdən uzaqlaşır.
Səlahiyyətli mənbələr bildiriblər ki, 2005 – ci ildə parlament seçkilərindən sonra hakimiyyət Şıxlinsikiyə «Зеркало» qəzetinin hökumətyönlü etməyi təklif edib və qəzet ətrafında bu söhbətlər 1 ilə qədər davam edib.Lakin Şıxlinski bu təklifi rədd edib. Bundan sonra Şıxlinskiyə redaksiyanı satmaq özünün isə istefa verməyi təklif olnusa da, Şıxlinski bunu da rədd etmişdir.
Mənbə bildirib:”Bundan sonra qəzetdə maliyyə və kadr problemləri meydana çıxmağa başladı. Hökumətin sifarişi ilə demək olar ki, bütün bütün reklam şirkətləri «Зеркало» qəzetini rədd etdilər, həmçinin müxtəlif dövlət qurumları və hökumətyönlü medialar qəzetin əməkdaşlarına böyük maaşlar təklif etməyə başladılar və nəticədə qəzetin bir çox aparıcı jurnalistləri “oğurlandı””.
Lakin ən ciddi problemlər qəzetin əməkdaşı Rauf Mirqədirovun həbs olunmasından sonra başladı. MTN və Baş Prokurorluq əməkdaşları reaksiyada və Şıxlinskinin evində axtarış aparmış, avadanlıqları və hətta baş redaktorun şəxsi kompüterini götürmüşlər. Bundan sonra Şıxlinski qəzetin nəşrini dayandırmaq məcburiyyətində qalıb və çox ümid edir ki, onun dostu jurnalist Rauf Mirqədrovun həbsi yalnışlıqdır.Lakin hökumtə Mirqədirova qarşı onu erməni xəfiyyəsi adlandıraraq, çox ağır ittiham irəli sürür.
Qeyd edək ki, qəzetin əsası 1990 – cı ildə qoyulub. Elçin Şıxlinski Azərbaycanın Milli Yazıçısı ismayıl Şıxlinskinin oğludur.