Maria Miraglia.”Tənəzzül”

Həyatdan yorulmusansa,
Bu dünyada tənhasansa,
Hələ tərk edilmisənsə,
Taleyinə qarşı dayan.
Düşünürsən
İradən yetməyəcək,
Əbəs.
Mənim dostum,
Tənəzzülü
Kənardan seyr etməyi kəs,
Onda cəsarət taparsan öz içində.
Sən yoluna davam elə
Yenə tanış küçələrlə ,
Hələ ki, qaranlıqdılar,
Düşün ki, bu da keçəcək.
Mövsümlə sən öz rənginə,
O tilsimə –
Günlərini yaşamağa
Qayıtmaq istəyirsən,
Dərin vicdandı bax
Bu hədiyyələr,
Sənə aid olsa belə
Bəlkə çəkəcək üzündə
yeni bir təbəssüm şəkli.
2015

Tərcümə edəni: Təranə Turan Rəhimli
Filologiya üzrə fəlsəfə doktoru, Prezident təqaüdçüsü