Yeni nəsil Azərbaycan gəncliyinin istedadlı nümayəndəsi, Dünya Gənc Türk Yazarlar Birliyinin üzvü, gənc yazar İsa Həsənoğlunun “Söhbətcil duyğular” adlı şeirlər kitabı 2016-cı ildə Bakı şəhərində “Elm və Təhsil” nəşriyyatında çap olunmuşdur. Kitabın redaktoru şair, jurnaist Əvəz Qurbanlı, ön sözün müəllifi və məsləhətçisi isə Naxçıvan MR Yazıçılar Birliyinin sədri Asim Yadigardır.
Kitab müəllifin oxucuları ilə ikinci görüşüdür. Kitabda müəllifin son illərdə qələmə aldığı əruz, heca və sərbəst şeir nümunələri toplanıb.Geniş oxucu auditoriyası üçün nəzərdə tutulub.
Qeyd edək ki, yaxın günlərdə gənc yazar İsa Həsənoğlunun “Söhbətcil duyğular” adlı şeirlər kitabının təqdimat mərasimi gözlənilir.
Gülnarə ŞÖHRƏDDİNQIZI,
“Möhtəşəm Azərbaycan” qəzeti