«Azərikimya» İB-də Dünya Bankının Avropa və Mərkəzi Asiya üzrə nümayəndə heyəti ilə görüş keçirilmişdir

Fevralın 2-də «Azərikimya» İstehsalat Birliyində Dünya Bankının Avropa və Mərkəzi Asiya ölkələrinin Ətraf mühitin və təbii sərvətlərin qorunması üzrə yeni təyin olunmuş nümayəndəsi, xanım Valeri Hikinin başçılıq etdiyi nümayəndə heyəti ilə görüş keçirilmişdir.
Qonaqları səmimi salamlayan «Azərikimya» İstehsalat Birliyinin Müşahidə Şurasının sədri, Milli Məclisin deputatı Muxtar Babayev «Azərikimya» İB-də son illərdə həyata keçirilən yenidənqurma, modernizasiya və abadlıq işləri, həmçinin perspektiv layihələr haqqında qonaqlara geniş məlumat vermişdir.
Görüşdə həmçinin sənaye zonasında davamlı olaraq həyata keçirilən ekoloji layihələr, Sumqayıt şəhərinin ekoloyi vəziyyəti və ekoloji sağlam mühitin yaradıl¬masında «Azərikimya»nın rolu, eko¬loyi maarifləndirmə və digər tədbirlərlə bağlı geniş fikir mübadiləsi aparılmışdır.
Xanım Valeri Hiki öz növbəsində, təmsil etdiyi Dünya Bankının yeni nümayəndəsi olaraq Azərbaycanla tanış olmaq, buradakı tərəfdaşlarla görüşmək, dayanıqlı inkişaf və ətraf mühitin yaxşılaşdırılması sahəsində əməkdaşlığın genişləndirilməsi imkanlarını araşdırmaq məqsədi ilə Bakıya səfər etdiklərini bildirmişdir.
Xanım Hiki təmsil etdiyi Dünya Bankının SOCAR-ın digər strukturları ilə yanaşı «Azərikimya» İstehsalat Birliyinin seçilmiş ərazilərində də kimyəvi çirklənmələrnin qiymətləndirilməsi və qısa zamanda bərpa tədbirlərinin həyata keçirilməsi üçün nəzərdə tutulan layihələrdə iştirak etməkdə maraqlı olduğunu vurğulamış, bu məqsədlə müraciətlərə müsbət baxılmasına, maliyyə və digər dəstəklərin göstərilməsinə hazır olduqlarını dilə gətirmişdir.
Görüşdə Kimya sənaye Parkında icra olunan layihələrə də toxunulmuş, bir sıra digər məsələlər ətrafında da müzakirələr aparılmışdır.

Gündəlik Analitik İnformasiya Agentliyinin Mətbuat xidməti