SEN DEYİR
Hisslərim ağlımı üstələyəndə,
Ürəyim sən deyir, dilim sən deyir.
Leysan yağmurları çırpıb döyendə
Ürəyim sən deyir, dilim sən deyir.
Gözümü qırpmağa qorxuram bilsen…
Qorxuram gözümdən tez çəkilərsən.
Neylərəm əksini gözümdən silsən,
Ürəyim sən deyir, dilim sən deyir.
Yaralı ruhumun mehəmisən bil,
Yollar ayrıcının yolçusuyam, gül,
Bilirem başıma sovrulacak kül,
Ürəyim sən deyir, dilim sən deyir.
Mələyir ağzımda qurumuş dilim,
Deyirsən adını dilimdən silim?
Unutmaq asanmı? Söylə nə bilim?
Ürəyim sən deyir, dilim sən deyir.
Şirin bir yuxusan, bəlkə də xəyal,
Gəl məni yuxumun qucağından al,
Ya özünle apar, ya göylərdən sal,
Ürəyim sən deyir, dilim sən deyir.
Görünmür gözümə nə insan, nə cin,
Bax, nə havalıyam tək sənin için,
Deyirsən dünyadan sürünüm, köçüm?
Ürəyim sən deyir, dilim sən deyir.
Dondu, bitdi ümidlərim
Narın payız axşamında,
Bir oğlanın qarğışında,
Bir ananın baxışında,
Dondu, bitdi ümidlərim.
Bəyaz, qarlı qış axşamı,
Tanrı yandırsın yaşımı?
Mənim bələdçim naşımı?
Dondu, bitdi ümidlərim.
Körpə, fidan mələklərdə,
Cücərməyən diləklərdə,
Azman, güclü biləklərdə,
Dondu, bitdi ümidlərim.
Dodağında gözüm qaldı,
Deyiləcək sözüm vardı.
Hanı,məndə dözüm qaldı?
Dondu, bitdi ümidlərim.