Azərbaycan Respublikasının Xalq yazıçısı Qılman İLKİN

Qılman İlkin (doğum adı: Qılman İsabala oğlu Musayev; 11 aprel 1914 – 6 noyabr 2009) — azərbaycanlı nasir, 1950-ci ildən AYB-nin üzvü, M.F. Axundov adına Dövlət mükafatı laureatı (1967), Azərbaycanın Əməkdar incəsənət xadimi (1989).

Həyatı
Musayev Qılman İsabala oğlu (Qılman İlkin) Bakının Mərdəkan kəndində, 1914-cü ilin aprelin 11-də anadan olmuşdur. 1932-ci ildə daxil olduğu indiki Pedaqoji Universitetin dil-ədəbiyyat fakültəsini 1936-cı ildə bitirib, indiki Bakı Dövlət Universitetində baş müəllim işləyib, “Azərbaycan” jurnalının baş redaktoru (1963-1966), “Uşaqgəncnəşr”, “Azərnəşr” nəşriyyatlarının direktoru (1966-1971) olub.

6 noyabr 2009-cu ildə Bakı şəhərində vəfat edib və 2-ci Fəxri xiyabanda dəfn olunub.

Yaradıcılığı
“Kölgələr sürünür”, “Yenilməz batalyon” bədii filmlərinin və bir neçə televiziya filminin ssenarini də Qılman İlkin yazıb.

Kitabları
“Qalada üsyan” (1959)
“Şimal küləyi” (1962)
“Hədiyyə” (1969)
“Dağlı məhəlləsi” (1978)
“Dəniz qapısı” (1984)
“Madam Qədri” (1988)
Mükafatları
“Xalq yazıçısı” — 27.01.2003[1]
Xidmətlərinə görə “Qırmızı əmək bayrağı”, “İkinci dərəcəli Böyük Vətən müharibəsi” ordenləri, iki dəfə Azərbaycan Ali Soveti Rəyasət Heyətinin Fəxri Fərmanı və medallarla təltif olunmuşdur. Qafqaz xalqları Ali Dini Şurasının “Paklıq” mükafatına layiq görülmüşdür.

Filmoqrafiya
Kölgələr sürünür (film, 1958)
Yenilməz batalyon (film, 1965)
General (film, 1970)