Bildiyimiz kimi, Elmar Vəliyevin gəncəyə icra başçısı təyin olunmasından sonra , şəhərdə bir çox sektorda müəyyən dəyişikliklər yaşandı. Bu dəyişikliklərdən Təhsil sektoru müsbət mənada irəliləyiş göstərdi. Şəhərdə savadlı, bacarıqlı və öz intellekti ilə seçilən şagirdlər kəşf olunmağa başlandı. Gəncə şəhər icra başçısının göstərişi ilə şəhərdə şagirdlərdən ibarət təşkilat yaradıldı. Bu təşkilat 3 il ərzində deməy olar ki böyük layihələrə imza ataraq etimadları doğrultdu. Bilik yarışları,Spartakiadalar,Müxtəlif növ idman yarışları, Fənn gecələri və s. Kimi maarifləndirici tədbirlər həyata keçirən bu şagird təşkilatı demək olar ki öz səmərəli və qənaətbəxş fəaliyyəti ilə regionda bir ilkə imza atdı. Gəncədə gənclərə qoyulan investisiya, gənclərə göstərilən etimad şagirdləri də öz növbəsində həvəsləndirdi,onlara stimul verdi. Hərhalda əgər şəhərdə hər hansısa şagird söz azadlığına malikdirsə və ictimaiyyət içərisində rahat öz fəaliyyətini sərgiləyə bilirsə, deməli şəhərdə böyük addımlar atılıb. Şəhərdə fəaliyyət göstərən idarə və təşkilatlar da şagirdlərə dəstək olur. Şagird təşkilatının sədri Valeh Əsədov: Gəncədə təhsil sahəsində əməli addımlar atılır. Şagirdlər ön plana çəkilir. Şəhər səviyyəli tədbirlərdə şagirdlər azad şəkildə öz fikir və təkliflərini şəhər ictimaiyyətinə rahat çatdıra bilir. Biz hər zaman çalışmışıq ki , bizə göstərilən etimadı daima doğruldaq. Istəyirik ki günü-gündən gözəlləşən şəhərimizin ictimai həyatında biz şagirdlərin də az da olsa rolu olsun.Gəncədə gənclər üçün yaradılan infrastruktur üçün isə ən böyük təşəkkür şəhər rəhbəri cənab Elmar Vəliyev-ə düşür.Məhz Elmar müəllimin tapşırığı ilə şəhərdə fəaliyyət göstərən dövlət qurumları daima bizə yardımçı olur, tədbirlərimizi keçirməkdə dəstək olurlar. Ümid edirəm ki, Gəncə 2016 Avropa Gənclər Paytaxtı kimi mötəbər tədbirdə biz şagirdlər də şəhərimizin tanıdılmasında pay sahibi olacağıq. Həmçinin bildiyiniz kimi Gəncənin “Kəpəz” futbol komandası artıq Azərbaycan Superliqasında mübarizəyə başlayıb. Bu sahədə də biz şagirdlərdən ibarət azarkeş qrupu yaratmışıq ki, şəhərimizin doğma komandasına dəstək olaq. Səfər matçlarında da komandamızı tək qoymayacağıq. Şəhərdə böyük səs-küyə səbəb olacaq rəsm sərgisi hazırlayırıq. Artıq payız aylarında gəncə sakinləri bu şagirdlərin əl işlərini izləyəcəklər. Son olaraq bildirim ki, ixtisaslı kadr olmaq yolunda iri addımlar atan gəncəli şagirdlər, irəlidə Azərbaycanın tərəqqisi üçün çalışacaqlar!