qopduğum göz yaşı
dalğalandığım ləpə
gömgöy kəpənəkdi uçurduğum
laylamdı anam çalan
sevincindən gözəlləşdi bəlkə də
iki dəfə
təkcə mənə göstərdi gözəlliyini
əl-ələ verdik ruhumuzda.
notlaşdı dalğa-dalğa
öpdü yanağımı məhrəmləşib.
sərildi ayağıma sevgilim.
dolanıb başına heyran heyran!
sarıldım boynuna
gözümə hopdu əsrarəngizliyi
baxışımda sevgi pıçıldadı…
sevgi öpüşdü
sinəsində ot bitirmişdi
mənim boyumda.