Azərbaycançılıq! Bir baxın bu məfhum özündə nə qədər dərin məna əks etdirir. Dildə rahat səslənən bu ifadənin qazanılması, icra edilməsi olduqca çətin və şərəflidir. Zaman-zaman belə çətin və şərəfli missiyanı həyata keçirən böyük şəxsiyyətlər yetişdirir, Azərbaycan torpağı. Hansı ki, həmin şəxsiyyətlər tarixin ələyindən, süzgəcindən vüqarla keçmiş və işıqlı yollar açmışlar. Azərbaycançılıq ifadəsini öz əməllərində tamlığı ilə əks etdiriblər. Müstəqil Azərbaycanın memarı, qurucusu, tariximizə öz adını qızıl hərflərlə yazmış, xalqımızın ən çətin məqamlarında Allahın göndərdiyi xilaskar, Ulu Öndər, Ümummilli Lider Heydər Əliyev həmin şəxsiyyətlərin bariz nümunəsidir.
Ötən əsrin 90-cı illərində Ölkəmiz edilən yadelli hücumları nəticəsində parçalanmaq, iflasa uğramaq ərəfəsindəydi. Həmin vaxtlarda xalqımız o qədər haqsızlığa və təcavüzə məruz qalmışdı ki, artıq kiminsə dərindən düşünüb ölkəni mövcud acınacaqlı durumdan xilas edəcək gücü və inamı qalmamışdı. Xalqımızın hər yerdən ümidinin üzüldüyü vaxtda hər birimizə gün kimi aydın olan bu şanlı tarixi hadisə baş verdi. Belə ki, H.Əliyevin hakimiyyətə qayıdışı sayəsində torpaqlarımızın işğalı dayandırıldı, əhalidə parlaq gələcəyə ümid, əsil xalq-prezident birliyi ən-ənəsi yarandı. Nə xoş ki, bu gün də həmin inam, ən-ənə yüksək səviyyədə davam edir. Məhz həmin müdrik siyasət nəticəsində Respublikamız ən qısa müddətdə dünya sivilizasiyasına uğurla inteqrasiya etdi. Bir-birinin ardınca beynəlxalq əhəmiyyətli layihələrə imza atıldı. Dünya ölkələri ilə tərəfdaşlıq, dostluq və tranzit əlaqələri qurularaq möhkəmləndirildi.
H.Əliyev düşünülmüş və xalqın mənafeyinə xidmət edən siyasət yürüdürdü. Onun Azərbaycançılıq ideyası Nəticə etibarı ilə iqtisadi-siyasi, mədəniyyət, elm, səhiyyə və digər sahələrdə dayanıqlı inkişafa nail oldu. Əbəs yerə deyilməyib ki, bu Günün Müstəqil və güclü Azərbaycanı H.Əliyevin şah əsəridir. Elə bir əsər ki, dünya tarixində öz möhürü, suverenliyi, stabil mövqeyi ilə zirvələr fəth etmişdir. Onun mentalıq, milliyyətçilik, milli-mənəvi dəyərlərə, adət ən-ənələrə verdiyi önəm göz önündə idi. Çox şükür bu gün Ulu Öndərin Müdrik siyasətinin mükəmməl davamçısı var. Azərbaycan Respublikasının Prezident İlham Əliyev.
Möhtərəm prezidentimiz xalqımızın dahi oğlu Heydər Əliyevin demokratik, hüquqi və dünyəvi dövlət quruculuğu siyasətini uğurla davam etdirir. Onun rəhbərliyi ilə ölkədə iqtisadi islahatlar daha da sürətlənmiş, xüsusi prezident fərmanı ilə 2004-2008-ci illərdə regionların sosial-iqtisadi inkişafına dair Dövlət proqramı qəbul olunmuşdur. Prezident İlham Əliyev Ulu Öndərdən miras qalan İnsan haqları və azadlıqlarının, milli-mənəvi dəyərlərinin qorunub saxlanılması və daha da inkişaf etdirilməsi kursunu uğurla həyata keçirir. Onun Milli Ensiklopediyanın nəşrinə rəhbərliyi şəxsən öz üzərinə götürməsi və bununla bağlı imzaladığı sərəncamlar, milli-mənəvi və ümumbəşəri dəyərlərə dövlət qayğısının parlaq təzahürləridir. İlham Əliyev Azərbaycan xalqının tarixi keçmişinə xüsusi qayğı və diqqət göstərir.
Prezident İlham Əliyevin qətiyyətli və məqsədyönlü fəaliyyəti nəticəsində Heydər Əliyevin xarici siyasət kursunun həyata keçirilməsində, o cümlədən Azərbaycanın ərazi bütövlüyünü pozmuş erməni işğalçılarının təcavüzkar mövqeyinin beynəlxalq aləmdə ifşa olunmasında mühüm uğurlar qazanılmaqdadır.
Dövlətimizin dinamik inkişafı bəzi siyasi gücləri narahat etməyə bilməzdi. Elə bu səbəbdəndir ki, bir sıra qarayaxma kampaniyaları keçirib haqqımızda səf fikir formalaşdırmağa çalışıblar. Lakin olanlara rəğmən Azərbaycan Çəkinmədən dünya qarşısında öz haqlı mövqeyini ortaya qoyur. Avroviziya, Bakı 2015 ilk Avropa oyunları kimi Beynəlxalq əhəmiyyətli tədbirlərə ev sahibliyi edir. Sevindirici hal ondan ibarətdir ki, Azərbaycan bu sahədə Dünya tarixinə yüksək mədəniyyət, qonaqpərvərlik kimi yeni standartlar daxil edir. Qazandığımız uğurlar Xalq-Prezident birliyi ən-ənəsinin bariz nümunəsidir. Geniş dünyagörüşünə, dərin və hərtərəfli biliyə, yüksək mədəniyyətə malik olan İlham Əliyev müasir və çevik siyasətçi kimi dünyada böyük hörmət və nüfuz qazanmışdır. O, sürətlə dəyişən çağdaş dünyada, qloballaşma və inteqrasiya proseslərində, bütün beynəlxalq görüşlərdə və apardığı yüksək səviyyəli danışıqlarda Azərbaycanın mənafelərini bütün sahələrdə uğurla müdafiə edir.
Bununla yanaşı Ölkənin birinci xanımı H.Əliyev fondunun prezidenti, YUNESKO və İSESKO-nu xoşməramlı səfiri, Mehriban xanım Əliyevanın Azərbaycanımızın dünyada tanıdılması istiqamətində əvəzsiz rolu, danılmaz əməyi vardır. Mehriban xanımın diqqətindən kənarda isə heç bir sahə qalmır; o, bütün bilik və bacarığını müxtəlif humanitar təşəbbüslərin reallaşmasına sərf edir.
Mehriban xanımı ölkə başçısı ilə ictimaiyyət arasında ən mahir əlaqələndirici hesab etmək olar. Onun irəli sürdüyü bir çox təşəbbüslər dövlət və vətəndaş birliyinin təmin edilməsində mühüm rol oynayır
İlham Əliyevin uğurlu xarici siyasəti sayəsində Azərbaycanın beynəlxalq və regional problemlərin həllində də rolu və nüfuzu artmaqdadır. Prezident İlham Əliyevin həyata keçirdiyi müdrik daxili islahatlar və uzaqgörən, məqsəqyönlü xarici siyasət sayəsində Azərbaycan Cənubi Qafqazda lider dövlətə çevrilməkdədir. Bir sözlə Azərbaycanımız əmin əllərdədir!
Elnarə Günəş
Ağsu rayon Kəndoba kənd tam orta məktəbinin İbtidai Sinif müəllimi