Yadımdan çıxır daha
Nə varsa səndən yana.
Yolllarım elə bağlı,
Gələmmirəm yanına.
Səssizcə çiçəkləyir
Adın dodaqlarımda.
Göz yaşım bir misradı,
Donub yanaqlarımda.
Üst-başımda,saçımda
Həsrətinin qoxusu,
Hər gecə yuxumdadı
Ayrılığın yuxusu.
Sənsiz gör necə itib
Ömrün-günün səhmanı.
Sızıldayır içimdə
Səni görmək gümanı…
Bu gün də bitdi belə,
Demirəm ki yaşadım…
Titrəyən əllərimlə
Xəyalını oxşadım.
Yenə səhra ömrümə
Düşdü bir qərib axşam.
Ürəyim elə təşnə,
Tək sənə susamışam…