Götür ürəyini, gəl mənə tərəf…
Əriyib yolların qarı, bilmirsən.
Bir ümid içimdə çıxıb naxələf,
Uçub gedib sənə sarı, bilmirsən.
Sanma ki, arzular gəlib keçici,
Bu könül yaşını doldurub çoxdan.
Bizim taleyimiz iki əl içi,
Məndə yarı, səndə yarı, bilmirsən.
Ötür bu taleyi, doğul yenidən,
Yenidən yolumuz qovuşa bəlkə.
Bu ömür sevinci salıb əlindən
Verib “yox”u, alıb “var”ı, bilmirsən.
02.02.2016