Tərifini həm söz ilə,
Həm saz ilə deyim- sənin.
Toy-büsatda cuşa gəlib,
El-obaya öyüm səni.
Seçək elə guşə- məkan,
Ya da olaq gəl, laməkan.
Ürəyimdə çıxart tikan,
Gül-çiçəklə ,,döyüm*” səni.
Könül istəsəm ver, elə…
Özünü mənə pir elə.
Gözüm üstə sən yer elə,
Hifz eləsin göyüm səni.
Bir ilham ver, mən bülbülə,
Gəl, səni bələyim gülə.
İnanmıram baxmaq ilə,
Camalından doyum, -sənin.
Ay kamalda dərin gözəl,
Təmkin deyir, pirim gözəl,
Ay şirindən -şirin, gözəl,
İstəyirəm yeyim səni.)