Şairə-jurnalist-publisist
Azərbaycan Yazıçılar Birliyinin üzvü,
“Qızıl qələm” media mükafatı laureatı,
Bahar təravətli ay gözəl gəlin,
Könlümün sultanı seçmişəm səni.
Qışmətdən əlimə yetişib əlin,
Künlümün sultanı seçmişəm səni.
Sən könül bağçamın qönçəsi, gülü,
Sən mənim ömrümün süsən-sünbülü.
Sən xarı çiçəyin sevən bülbülü,
Könlümün sultanı seçmişəm səni.
Nərgizlər, lalələr kölgəndə qalar,
Qızılgül hüsnünə baxıb əl çalar.
Yasəmən ətrini tək səndən alar,
Könlümün sultanı seçmişəm səni.
Sən ruhumsan mənim, həm də canımsan,
Həm balım, pətəyim, həm də şanımsan.
Damarımda axan qızıl qanımsan,
Könlümün sultanı seçmişəm səni.
Sənintək bir gözəl yarana, çətin,
Zirvə qarı kimi pak məhəbbətin.
İffətli, namuslu, əyilməz, mətin,
Könlümün sultanı seçmişəm səni.