Şairə-jurnalist-publisist
Azərbaycan Yazıçılar Birliyinin üzvü,
“Qızıl qələm” media mükafatı laureatı,
Səbrim gərgin bir kamandır,
Gözləyirəm nə zamandır.
Yar, həsrətin çox yamandır,
Sevməsən də, sevəcəyəm.
Şah damarda donar qanın,
Bir gün nalan qalar canın.
Qədrini bil zaman, anın,
Söylə, bir gün dönəcəyəm.
Səsin gəzir otağımda,
Əks- sədadır qulağımda.
Huri idin eşq bağımda,
Sənsiz eşqi, göməcəyəm.
Sevda sanki, ötən karvan,
Yalqız qalıb, sevən Dövran.
Göy üzündə tənha, tək Dan,
Bil ki, sənsiz, sönəcəyəm…