Şairə-jurnalist-publisist
Azərbaycan Yazıçılar Birliyinin üzvü,
“Qızıl qələm” media mükafatı laureatı,
Xoşbəxt yaradıbdır, Yaradan vallah,
Qanından qan verən, Ataya qurban.
Məni türk yaradıb, sevdiyim Allah,
Canından can verən, Anaya qurban.
Türk- deyə çagrılıb, müqəddəs adım,
Qorqud, Oğuz, Mete şanlı əcdadım,
Türkdür Atam- Babam, türkdür övladım,
Türk eli, ulusu, obaya qurban.
Sulardan- sulara, dağlardan- dağa,
“Türkəm deyən”olub, hökmdar, ağa,
Uğrunda qan axan, şanlı torpağa,
Azəri, Osmanlı, Türk-soya qurban.
Qazidir, şəhiddir, əsgər, giziri,
Allah sevgisidir, gücünün sirri,
Imanlı, inamlı, dildə təkbiri,
Allahü-Əkbər deyən, sədaya qurban.
Açıqdır hər zaman hünərin yolu,
“Cəngi”, “Mehtər marşı”zəfər simvolu,
Turandır Qafqazım, həm Anadolu,
Bayraqda ulduza, həm aya qurban.
Türk oğlu yağıdan alar öcünü,
Zəfər unutdurar, hər cür acını,
Dövran vəsf eləyər, türkün gücünü,
Türkə qüdrət verən, Xudaya qurban…