Bu şeiri kimlərsə yazıb bəlkə də,
Mövzu məlum bir az, söz tanış gəlir.
Torpağın üstündə üzlük kölgədə,
Üzlüyün altında torpaq təşnədir…
Yanır hər ikisi, gündüz-günorta,
Susuzluğdan biri, istidən biri.
Təntiyən torpağdan gəlməz hənirti,
Bu asfalt üzlüyün yoxmu abırı?!
Asfalt altındaki torpaq kimiydim,
Yanan pöhrələrim yırtdı üzlüyü…
Yetmiş il “şərti”də dustaq kimiydim,
Hələ də belimdə “Soyuz” pisliyi.
21.05.2016