O məhəbbət ki, mənim yoxdu daha qəlbimdə,
Nəyə həsrət çəkirəm bəs bu kaha qəlbimdə?
Niyə tir-tir əsirəm fikrimə gəldikcə o yar,
Nə ümid bəsləyirəm hər sabaha qəlbimdə?
Ahu-zar eylədiyim günləri sildim, unudum,
Düşünürdüm ki, əcəb yox yer aha qəlbimdə.
Onu yad etməməyə eşqimə and içdim o gün,
Belə getsə bataram min günaha qəlbimdə.
Könlümün iqtidarı söylə, Müzəffər, sənsən?
Kim veribdir bu yeri hər mataha qəlbimdə?