Məni bu oxla vuran səyyadi-zaman kim idi?
Bəlkə siz görmüsünüz alanda nişan kim idi?
Yazıq deyilmi ürəyim, boyana al qanına?
Özü zalım, üzü göyçək, qaşı kaman kim idi?
Təzə ay tək görünüb, çəkilib getdi bizaman,
Söylədim insaf elə, etmədi aman, kimi idi?
Bir haray salıb eşq ilə, oyadıbdır aləmi,
Mən özüm naleyi-zaram, məndən yaman kim idi?
Hər üzü göyçəyə meyl eyləməz ağlım başdan,
Züleyxa sevməsəydi eşqidə Kənan kim idi?
Nə haqqı, nə yalanı ellər səndən yaxşı bilir,
Sən özündən soruş, ey Əsmərü-şaman, kim idi?