Ey ağıl sahibi, ağla, nə gülürsən, nə gülürsən?
Üz döndərib cahillərdən, nə gəlirsən, nə gəlirsən?
Ləçək endi yarpaq üstə, şehmi düşdü torpaq üstə?
Yanağından gizli-gizli nə silirsən, nə silirsən?
Anladınmı, diliqafil, bu dünyanın vəfası yox,
Fəlakətdirmi göz yaşın, nə deyirsən, nə deyirsən?
Şükür imanın yarısı, imandır eşqin hamısı!
Ey çoxbilmiş, söylə qeybdən nə bilirsən, nə bilirsən?
Yarı gülsən, yarı tikan, yarı qulsan, yarı sultan!
Başda tac, ayaqda çarıq, nə geyirsən, nə geyirsən?
Danış axmaq ilə, Əsməra, danışma axmaq üçün!
Vurnuxursan, tələsirsən, nə gəlirsən, nə gedirsən!