https://d.radikal.ru/d19/1910/5d/4170a9f9e5bf.jpg

Azərbaycan Yazıçılar Birliyi (AYB) tərəfindən gerçəkləşdirilən “aybKitab” layihəsi çərçivəsində çağdaş Azərbaycan ədəbiyyatının görkəmli nümayəndəsi, Azərbaycan Yazıçılar Birliyinin üzvü, “Azərbaycan” jurnalının baş redaktor müavini, Əməkdar mədəniyyət işçisi, filologiya elmləri doktoru, professor, ədəbi tənqidçi Vaqif Yusiflinin “Qanadlandıq uçmağa” adlı yeni bədii-publisistik məqalələr toplusu işıq üzü görüb. Kitabda müəllifin “aybKitab” layihəsi çərçivəsində nəşr olunan kitablar haqqında məqalələri yer alıb.
“aybKitab” layihənin rəhbəri və müəllifi Azərbaycan Yazıçılar Birliyinin Mətbuat xidmətinin rəhbəri, AYB İdarə Heyətinin üzvü, İLESAM (Türkiye İlim ve Edebiyat Eseri Sahibleri Meslek Birliği) Azərbaycan təmsilçisi, şair-publisist Xəyal Rzadır.

Qeyd edək ki, bundan öncə adıçəkilən layihə çərçivəsində işıq üzü görən kitablar Azərbaycan Respublikasının Mədəniyyət Nazirliyinin təşkilatçılığı ilə Bakı Əl Oyunları İdman Sarayında VI Bakı Beynəlxalq Kitab Sərgi-Yarmarkasında sərgilənmişdi.

Azərbaycanın Mədəniyyət və Ədəbiyyat Portalının Mətbuat xidməti və İctimaiyyətlə əlaqələr şöbəsi.