“Mücrü” Nəşriyyatı tərəfindən yeni nəsil Azərbaycan gəncliyinin istedadlı nümayəndəsi, Sumqayıt Dövlət Universitetinin Filologiya fakültəsinin məzunu, Azərbaycanın Mədəniyyət və Ədəbiyyat Portalının (edebiyyat-az.com) Qarabağ Bürosunun Rəhbəri, şair, yazıçı, publisist Nemət Tahirin “Kəpənək ümidlər” adlı ilk kitabı işıq üzü görüb.
Kitab müəllifin oxucuları ilə ilk görüşdür. Kitabda müxtəlif illərdə qələmə alınan şeir və hekayələr yer alıb. Geniş oxucu auditoriyası üçün nəzərdə tutulan kitabın ictimaiyyət nümayəndələri tərəfindən rəğbətlə qarşılanacağına ümid edirik.
Azərbaycanın Mədəniyyət və Ədəbiyyat Portalının Mətbuat xidməti və İctimaiyyətlə əlaqələr şöbəsi.