Azərbaycan Yazıçılar (AYB) və Dünya Gənc Türk Yazarlar Birliyinin (DGTYB) üzvü,
Prezident təqaüdçüsü, Azərbaycanın Mədəniyyət və Ədəbiyyat Portalının Baş redaktor müavini.
Bilirdin taleyin yazılıb qəmlə,
Gecə yuxusunda qurd görən oğlan
Savaşda ölmədin yuxuda ölmə,
Gecə yuxusunda qurd görən oğlan
Səni öz taleyin, bəxtin döyəclər,
Göynədər könlünü gecikən geclər,
Sənə neyləyəcək mayası biclər,
Gecə yuxusunda qurd görən oğlan
Keçdi bəd əllərə neçə yaxalar,
Yedi məclislərdə doydu çuxalar,
Çin olar qurd olan bütün yuxular,
Gecə yuxusunda qurd görən oğlan
Kəndirlər saxlamaz boynunu sənin,
Ağaclar görənməz boyunu sənin,
Hanı süründəki qoyunun sənin,
Gecə yuxusunda qurd görən oğlan