524682_1389262097989317_327643122_n

Azərbaycanın Mədəniyyət və Ədəbiyyat Portalının Mətbuat Xidmətinin yaydığı məlumata görə, “Elimiz.günümüz” elmi-ədəbi, mədəni-kütləvi, publisitik qəzetin təsisçisi və baş redaktoru, Azərbaycan Milli Elmlər Akademiyasının Əlyazmalar İnstitutunun elmi işçisi, filologiya elmləri üzrə fəlsəfə doktoru, Azərbaycanın Mədəniyyət və Ədəbiyyat Portalının Mətbuat xidmətinin rəhbəri, Azərbaycanın istedadlı xanım yazarı Qiymət Məhərrəmlinin 50 illik yubileyi ərəfəsində “Mənim ünvanımı ürəyinə yaz” adlı növbəti şeirlər kitabı 2013-cü ildə Bakı şəhərində “Araz” nəşriyyatı tərəfindən 64 səhifə olmaqla işıq üzü görüb.Kitabın redaktoru şair-tərcüməçi Giya Paçxataşvilidir.
Oxucuların əsasən lirik şeirlər müəllifi kimi tanıyıb sevdiyi şair Qiymət Məhərrəmlinin növbəti kitabı “Mənim ünvanımı ürəyinə yaz” adlanır. Kitab şairin
yarıməsrlik ömrünün qovuşuğunda oxucularla daha bir səmimi görüşüdür. Ədəbi yaradıcılığının müxtəlif dövrlərində qələmə aldığı bədii nümunələrin toplandığı kitab şairin lirik mənini tam olaraq özündə əks etdirir. İnanırıq ki, Qiymət poeziyasının vurğunları şairin əlli yarpaqdan ibarət bu yeni kitabını da sevgiylə qarşılayacaq, buradakı səmimi duyğular öz həqiqi ünvanını tapacaqdır.