Bir vüsal həsrəti
Bir vüsal həsrəti boğdu qəlbimi
Nə acı olurmuş sevginin dadı
Bir zaman tutaraq mənim əlimi
Mənə söylədi ki sevgidir adı.
Bilmədin tükənən göz yaşlarımın
Yerinə bir tikan bir gül bitirdin
Mənə əziz olan məhəbbətinin
Özünlə apardın gözdən itirdin.
Mən susudum bu könül haray çəkəcək
Səsləmə sən məni ey vəfasız yar
Şərəfinə sənin şərab içəcək
Sənsiz günlərimi de kim ovudar?
Söylə mənə bu sənmisən?
Nədir söylə bu həsrətin
Yollarına hörülmüsən
Hanı sənin məhəbbətin
Söylə mənə bu sənmisən?
Məni tənha atıb getdin
Bir asiyə satıb getdin
Söylə mənə sən nə etdin
Söylə mənə bu sənmisən?
Indi kimə inanım mən
Indi kimə güvənim mən
Hər şeyi başla yenidən
Söylə daha bu sənmisən?
Nə bilərdim insan ölmür
Yaşasada üzü gülmür
Yenidən dünyaya gəlmir
Dünyaya gələn sənmisən?
Təssəli bircə göz yaşı
Başlatmışıq bu savaşı
Gördüyüm bu dərd sirdaşı
Bu sirdaşım de sənmisən?
Gəl nə zaman döndün geri
Sağalmayıb yaram yeri
Bum-buz olmuş isti əli
Tutan əlimi sənmisən?
Fidan bitdi atəşində
Bir ayrılıq gedişində
Bir düz yolun enişində
Söylə mənə bu sənmisən?