Yenə dekabrın 31-ni
Sənsiz qeyd edirəm tənha və yalqız
Hər yerdə hər zaman görürəm səni
Harda qalmısan sən harda insafsız.
Bir azdea vicadanın olsaydı əgər
Mənidə yadına salardın hərdən
Bir kəlmə söyləsəm qəlbinə dəyər
Onunçün heç bir söz söyləməyirəm.
Amma ayrılığın çətindir mənə
Sən çoxdan bunlara alışmısan bil
Istərdim sevgimiz qayıda dönə
Onda sən bilərdin bu yalan deyil.
Yeni il yeni gün gələcək bizə
Sən mənsiz mən sənsiz çox uzaqdayıq
Yadlaşan baxışlar gəlib üz-üzə
Deyəcək astaca bəs biz hardayıq.
Baxışlar yadlaşsa könül qocalmır
Xatirə yaddaşı qocalan deyil
Biz yoxuq deməli oda ucalmır
Bu isə yalançı bir sevgi deyil.
Dənizlər mavidir çünki rəngidir
Onun mənasını anlayan bilər
Bəlkədə sevgi tək oda qədimdir
Yaddaşda olmasa oda silinər.
Bilirsən bu saat çöldə qar yağır
Mənsə xəyalara qayıtdım yenə
Bəlkədə yükü çox onunçün ağır
Bəlkədə bir azca bənzəyir sənə.
Baxıram ağ qara birdəki göyə
Bununda mənasın tapmaq çətindir
Mən göydən soruşdum gələrsən deyə
O isə söylədi dönməz mətindir
Ancaq qürurunu sındırmalısan
Gərək məhəbbətdə bir güzəşt ola
Bir tək sən bunlara anlamalısan
Gəlsən yeni ilim bir töhfə ola.
Ömür yolum
Ayrıldıq yolum səndən əbədi uzaq düşdü
Sevgimizə göz dəydi əhdimiz uzaq düşdü
Həyatda nə olursa başıma gələn işdi
Unuduram mən səni neynim əlacım budu
Gediriksə bu yolu bu yol sonsuz bir yoldu.
Sənnən mənə təssəli bir gülüşdə qalmadı
Fələk bizə nə etdi gözlərimiz ağladı
Qəlbimizə dağ çəkdi bizi yaman dağladı
Unuduram mən səni neynim əlacım budu
Gediriksə bu yolu bu yol sonsuz bir yoldu.
Illərin ayrıcında borana-qara düşdük
Sevginin qollarında arana-dağa düşdük
Axır göz yaşımızı birgə-tənha bölüşdük
Unuduram mən səni neynim əlacım budu
Gediriksə bu yolu bu yol sonsuz bir yoldu.
Dənizlərdə çağladı haraydan-qışqırıqdan
Tənha gəzdik həsrətlə bir acı danışıqdan
Nə çıxdı ki hər dəyqə küsərək-barışıqdan
Unuduram mən səni neynim əlacım budu
Gediriksə bu yolu bu yol sonsuz bir yoldu.
Könül ayrı düşəni öz yerinə buraxmır
Yaşanılan günlərim bir də geri qayıtmır
Yatmışları xülyadan heç tərpətmir oyatmır
Unuduram mən səni neynim əlacım budu
Gediriksə bu yolu bu yol sonsuz bir yoldu.
Üzündəki baxışlar mənə nəsə söyləyir
Gözümnən axan yaşlar yarı yolda inləyir
Eşqimin həvəsiylə budur sənə söyləyir
Unuduram mən səni neynim əlacım budu
Gediriksə bu yolu bu yol sonsuz bir yoldu.
Kədər bizi yoğurur bir bax gülüm neyləyir
Həqiqəti görəndə birdən ona söyləyir
Fidanda dərdləriylə bunu belə söyləyir
Unuduram mən səni neynim əlacım budu
Gediriksə bu yolu bu yol sonsuz bir yoldu.