Bu qədər özünü üzmə,sən Allah,
Ömrünü eşqinə düzmə,sən Allah,
Gözünlə ölümü süzmə,sən Allah,
Sevmə bu qədər,sevmə nə olar.
Bu qədər böyük bir məhəbbət olmaz,
Saf niyyət,xoş arzu,dəyanət olma,
Eşqində bu qədər sədaqət olmaz,
Sevmə bu qədər,sevmə nə olar.
Qorxuram yolunda tikanlar bitə,
Bir ömür xəyalın göylərdə itə,
Öz eşqin ömrünə qənim kəsilə,
Sevmə bu qədər,sevmə nə olar.
Ağlama könlünə ləkələr düşər,
Ağlama ömrünə çilələr çökər,
Ağlama sevdanı qəhərlər bükər,
Sevmə bu qədər,sevmə nə olar.