Rafiq YUSİFOĞLU.Nəğmə dolu şeirlər

08

NƏĞMƏ

– Tıq- tıq…
– Söylə, kimdir gələn?
– Mənəm, payız kədəriyəm,
Tanışıq, doğmayıq biz ki,?!
– Sənə nə lazımdır axı?
– Ağzınaсan dolu viski.
– Vеrmərəm qətidir sözüm.
– Vеrməzsən alaram özüm.
Tıq- tıq…
– Daha yorulmuşam.
– Aç qapını, mənəm, – qışam.

Tərcümə edəni Rafiq Yusifoglu

ПЕСЕНКА

Тук-тук…
Кто бы мог?
– Я пришла на твой порог,
я осенняя тоска.
– Что ты хочешь?
– Смоль виска.
– Не отдам я, спрячь суму.
– Не отдашь – сама возьму.

Тук-тук.
Та же тьма…
– Это я, твоя зима.

Uşaqlar üçün

YAYLAQDA

İnəklər otlayırdı
Yaylaqda şirin-şirin.
Onlara baxıb dedi
Bizim balaca Şirin:

–Ata, dağların otu
Nə üçün yumşaq olur?
İnək yaşıl ot yeyir,
Südü niyə ağ olur?

1985

BİLİRƏM

Bilirəm,
nə vaxtsa ürəyin
ayrı bir sevdayla
dinəcək…
Mənim məhəbbətim
səninlə hansı bəxtəvərinsə
ayağının altında
sevgi postamentinə dönəcək…
Bilirəm,
nə vaxtsa kobud ayaqlar pozacaq
sənin sevgi gülşəninə düşən
titrək ayaq izlərimi.
Odlu baxışlar unutduracaq
mənim həsrətli baxışlarımı,
utancaq gözlərimi.
Bilirəm,
nə vaxtsa qadir bir ad
ürəyindəki adımın üstündən
qələm çəkəcək.
Sənin intizar baxışların
bəlkə də havadan
nəm çəkəcək…
Söz söz yaddaşını,
gözlər göz yaddaşını,
dodaqlar dodaq yaddaşını
unutduracaq…
Qırğı caynaqlı bir dəliqanlı
kəpənək qanadlı hisslərimizə
qan udduracaq…
Bilirəm,
nə vaxtsa
inci-inci düzdüyüm sözlərin
pozulacaq səfi.
Şeirlərim olacaq
rişxənd hədəfi.
Cırıb yelə verəcək onları
sənin həyat yoldaşın.
Səfərə çıxanların
ardınca atılan
suya dönəcək
sənin inci-inci səpilən
göz yaşın…
Bilirəm, nə vaxtsa…
Bilirəm…
Bil…

Rafiq Yusifoglu
45 dəq. ·
BU AY MƏNDƏ ÜRƏK QOYMUR

Hər qonaq mənim başıma
Dolandı pərvanə kimi.
Kövrəldim, sinəmdə ürək
Titrədi bir nanə kimi.

Axşam düşdü, şər qarışdı,
Dostlarım döndülər geri.
Son közləri öləzidi,
Bumbuz oldu ocaq yeri.

Göyə baxdım, qəlbim əsdi,
Bu ay məndə ürək qoymur.
Təkcə o etibarlıdı,
Gecələr məni tək qoymur…

ALAQ OTU

Sənin ürəyində boy atan ağac
Ucalsın, qoy biz də dolaq altına.
Onun zərrə qədər ziyanı yoxdu,
Qəlbimi atmasan ayaq altına.

Qorxutmur könlümü dumanlar, sislər,
Neyləyə biləcək eşqə xəbislər?!
Şair ürəyindən su içən hisslər
Çevrilə bilərmi alaq otuna?!