Çağdaş Azərbaycan ədəbiyyatının görkəmli nümayəndəsi, Azərbaycan Yazıçılar Birliyinin üzvü, filologiya elmləri doktoru, professor, Əməkdar mədəniyyət işçisi, “Göyərçini jurnalının Baş redaktoru, görkəmli Azərbaycan şairi, yazıçı, ədəbi tənqidçi Rafiq Yusifoğlunun “Nağıl qapısı” adlı yeni şeirlər və poemalar toplusu Azərbaycan Dövlət Pedaqoji Universitetinin Nəşriyyatında 338 səhifə həcmində işıq üzü görüb. Kitabın redaktoru Zahid Xəlildir.
Ümumiyyətlə, kitabda yer alan şeirlər “Uşaq dünyası, işıq dünyası”, “Tariximizdən gələn səslər. Mənə dogma olan kəslər”, “Şuşa nəğmələri”, “Havam, suyum, torpağım. Otum, gülüm, yarpağım”, “Fəsillər və nəsillər”, “Sizdən hərəkət, bizdən bərəkət”, “Qazaxstan nəğmələri”, “Sehrli aləm” bölmələri adı altında toplanıb.
Poemalar – nağıllar bölməsində “Qırxıncı qapı”, “Ağıl döyüşü”, “Gül və bulbul əfsanəsi”və.s. əsərləri verilib.
Kitab müəllifin oxucuları ilə sayca 78-ci kitabıdır. Geniş oxucu auditoriyası üçün nəzərdə tutulub. Oxucuların rəğbətini qazanacağına ümid edirik.

Kamran MURQUZOV,
Azərbaycanın Mədəniyyət və Ədəbiyyat Portalının
Mətbuat xidmətinin rəhbəri,
Azərbaycan Jurnalistlər Birliyinin üzvü.