Xalq şairi Hüseyn ARİF.”Xatırla məni”

Sevirəm çəməndə gülü, çiçəyi,
Gələndə ilk bahar xatırla məni.
Öpsün alınları dağlar küləyi,
Güləndə rüzigar xatırla məni.

Torpağı bəzəsin bənövşə, nərgiz,
Ruhuma doğmadır hər cığır, hər iz,
Geniş sinəsini açsın göy dəniz,
Dinəndə dalğalar xatırla məni.

Fəsillt dolanıb, ötdükcə zaman,
Vaxt olur həyatda dəyişir insan.
Mən səni unudan deyiləm inan,
Sən də, ey gözəl yar, xatırla məni!