UNUDACAQSAN MƏNİ
Unudacaqsan məni
bir gecə
iki gecə
bir neçə heca keçsin
hələ aradan
şeir yazıb, atacaqsan
yuxularında məni
birlikdə gəzdiyimiz
qayalıqlardan atacaqsan
satacaqsan
mənə olan nifrətini- hansısa sayta
köşə yazılarında
gün gələcək
itəcək izi
əl- ələ gəzdiyimiz yazların da
unudacaqsan məni
sonra evlənəcək
sonra boşanacaqsan
unuda- unuda məni
bir köhnə şeir kimi
qocalacaqsan
solacaqsan.