Azərbaycan Yazıçılar və Jurnalistlər Birliklərinin üzvü,
Azərbaycan Respublikası Prezidentinin Təqaüd Fondunun təqaüdçüsü,
Bük əllərini, cam elə,
Məni bu gecə şam elə…
İstəyirsən, edam elə,
Mənim səndən xoşum gəlir.
Könlüm görmür çaxışını…
Mamır basır naxışını.
Yana əymə baxışını,
Mənim səndən xoşum gəlir.
Dağlar gərdi yelə sinə.
Düz vermədi selə, sinə…
Eləsinə, beləsinə,
Mənim səndən xoşum gəlir.
Qondu arzularım tikanlı telə,
Açım qanadımı çətir tut yelə.
Xatirən sığınan qucaqdım elə,
Yerini boş görüb qolum diksindi.
Divanə yolçudur ruhum bədəndə,
Hələ Vətən gəzir bu qərib bəndə.
Arxamca əlvida söylədin sən də,
Ayaqlar altında yolum diksindi.
Sən başqa məmləkət,mən ayrı ölkə,
Nədir üstümüzə düşən bu kölgə?
Dünyadan köçməyə qorxurduq bəlkə,
Sevib cana gəldik,ölüm diksindi.
Bu gün yenə keçirdim,
Sən qoxulu şəhərdən.
Yollar mənə danışdı,
Sən adlı bir nəfərdən.
Dedim a yollar, baxın,
Necədir mənim halım?
Qonaq olur röyama,
Tez-tez onun xəyalı…
Yollar, o bir mələkdir,
Geyinib insan donu.
Mənə özəl yaradıb,
Xaliqi-Sübhan onu.
Onun qara qaşına,
Gözünə qurban olum.
Hər səhər sizdən keçən
İzinə qurban olum.
Çox uzaqdır bu şəhər,
Gəlmişəm hardan-hara.
Tək onun yoxluğudur,
Günümü edən qara….
Razıyam mən çəkim ah,
Ondan gələn ahdırsa.
Xoşdur mənə günahım,
Sevməyim günahdırsa…
A yollar, insaf edin,
Çəkməyin məni dara…
Ümidim tək sizədir,
Aparın məni yara…
Peşman etməyin məni,
Belə uzaq səfərdə.
Mən onu necə tapım?
Bu cür böyük şəhərdə…
Bu gün yenə keçirdim,
Sən qoxulu şəhərdən.
Yollar mənə danışdı,
Sən adlı bir nəfərdən.
30.04.2015…( 02:43)
Ah,nə ola bir dəfə,
Baxışımız toqquşa.
Dayanaraq üz-üzə,
Gözlərimiz danışa.
Danışmaya dilimiz,
Hətta bir kəlmə belə.
Qorxuram dilimizdən,
Acı zəhər tökülə.
Heç yaxın da gəlmərəm,
Inan mən sənə sarı.
Heç nəyə dəyişmərəm,
Bircə o, baxışları.
Hər səhər o, baxışlar,
Salam verib keçəydi.
Düşünəydim gün boyu,
O baxışlar necəydi?
Mən sənə baxmaq üçün,
Hey qarşına çıxaydım.
Gözlərimi qırpmadan,
Gözlərinə baxaydım.
Baxaydım ürəyimi,
Danışdıran gözlərə.
Ürəyimi yandıran,
Alışdıran gözlərə.
Hər gün başqa bir aləm,
Hər gecə bir düşüncə.
Yenidən doğuluram,
Gözlərini görüncə.
Hamıdan gizli-gizli,
Ömür sürəydik belə.
Nə bir gözə gələydik,
Nə də düşəydik dilə.
Deyirsən: ,, Yox, tanımıram,”
Sən tanımasan da, olar.
Səni heç də qınamıram,
Sən tanımasan da , olar.
Qartal gəzən dağda varam,
Bülbül uçan bağda varam,
Budaqda, yarpaqda varam,
Sən tanımasan da , olar…
Həm bəmdənəm, həm zildənəm,
Dörd hikmətdən.. fəsildənəm.
Halal əsil-nəsildənəm,
Sən tanımasan da, olar.
Sufi, dərviş, abid mənəm,
Görünməzə şahid mənəm.
Vətən bilir, şəhid mənəm,
Sən tanımasan da , olar!
Xoş arzuda, diləkdəyəm,
Həzin əsən küləkdəyəm,
Min-min güldə, çiçəkdəyəm,
Sən tanımasan da, olar!
Billur bulaq, dəli çayam,
Gündüz günəş, gecə ayam.
Tanrı verən bəxşiş, payam,
Sən tanımasan da, olar!
Çəməndə qızıl laləyəm,
Gül üstə düşən jaləyəm.
Dağdan axan şəlaləyəm,
Sən tanımasan da, olar.
İsrafilin surundayam,
Həzrət Musa Turundayam.
Məhəmmədin nurundayam,
Sən tanımasan da, olar.
Sevinc dolu gözdə yaşam,
Fərəhimdən gərək coşam.
Yaz müjdəli qaranquşam,
Sən tanımasan da, olar.
Həm xeyirəm, həm də ,, şər”əm,
Haldan-hala tez düşərəm.
Mən qəribə bir bəşərəm,
Sən tanımasan da, olar!
Neçə oğrun baxışdayam,
Yüz ilməli naxışdayam,
Enişdəyəm, yoxuşdayam,
Sən tanımasan da, olar!
Xoş amalam, saf niyyətəm,
Şölələnən ülviyyətəm.
Ecazkar bir təbiətəm,
Sən tanımasan da, olar.
Yaşıl meşə, göy çəmənəm,
İşıq saçan-göycə, mənəm.
Zəngəzuram, Göyçə mənəm,
Sən tanımasan da, olar!
Ələsgərəm, mən Alıyam,
Sözümün şəkər-balıyam.
İrəvanam, Borçalıyam,
Sən tanımasan da, olar!
Yurdun şəhəri, kəndiyəm,
Dağı, bərəsi-bəndiyəm.
Qoşa-qala Dərbəndiyəm,
Sən tanımasan da, olar!
Təbriz, Zəncan, Xoy da mənəm,
Bir kökdə min soy da mənəm.
Bütün VƏTƏN boyda mənəm,
Sən tanımasan da, olar!
Çəkdiyim ağrı, ahdayam,
Dünən, bu gün, sabahdayam.
Allah məndə, Allahdayam,
Sən tanımasan da, olar!
Sən tanımasan da…Olar!!
Azərbaycan Yazıçılar və Jurnalistlər Birliklərinin üzvü,
Arada bir zəng elə,
De ki, səni sevirəm.
De ki, sənin ətrini,
Güldən ala bilmirəm,
De ki,ay mənim ömrüm,
Sənsiz qala bilmirəm.
De ki, sənin həsrətin,
Məni buza döndərir,
Şirin-şəkər söhbətin,
Ömrü yaza döndərir.
De ki, sənin gülüşün,
Gül-çiçəkli bahardı,
De ki, sənin öpüşün,
Təzətərdi, nübardı!
De ki, o cazibəndən,
Mən ölmüş hara qaçım?!
Kimə deyim bu dərdi,
Hansı qapını açım?!.
…Arada bir zəng elə,
De ki, səni sevirəm,
De ki, sənin ətrini,
Güldən ala bilmirəm,
Sənsiz qala bilmirəm!!!
Azərbaycan Yazıçılar və Jurnalistlər Birliklərinin üzvü,
Azərbaycan Respublikası Prezidentinin Təqaüd Fondunun təqaüdçüsü,
Köhnə qapı kimi cırıldayır Göy,
Göyün bir üzünü tüstü aparır.
Anamın alnında can verir qırış,
Kimsə ovduğumuz bustu aparır.
Düz otuz ildi ki, canıma yükdü,
Nə vaxtsa kölgəmi asacam mən də.
Adamtək alçalmaq böyüklükdüsə,
Bugündən səbrimi basacam mən də.
Nə var quş olmağa Allahın altda,
Əcəlin tətiyi basılıdı, qız.
Mənim bu taleyə yiyə çıxmağım,
Sənin baxışından asılıdı, qız.
leksik mənamsan mənim
yəni həqiqətim
Sənsiz qoşma, bağlayıcı
uzaq başı ədat, nida olaram
dodaqlarda
uzaqlarda
yəni sənsiz
ürəyimdəki sözlərdə boğularam
Ürəyimin hərəkəti
hərəkətinin tərzi, yeri, zamanısan
sevgin rəngdədi
damarımda qanım
mən varlıq, sən adım
əvəzliklərə kimidi
sözüm söhətim
səndən sonrası yox
səni əvəz edən yox
bax belə bir taledi, qədərdi
mənim həyatım
çıxışlıq haldan, yönlük hala qədərdi
sözəm mən
məcazi mənamdı sənsizlik
Məni həsrət qədərsevənmi var ki?
məni ümid qədər axtaranmı var?
Məni ümid qədər itirmədilər,
məni həsrət qədər axtarmadılar.
Mənə ruhum kimi göz qoymadılar,
qara kölgəm kimi izləmədilər.
Gedəndə dalımca kimsə baxmadı,
gələndə yolumu gözləmədilər.
Axı bir eh boyda çəkilmədim mən,
axı bir ah boyda yaşamadım ki.
Yer boyda savabın qurbanı oldum,
axı günah boyda yaşamadım ki.
Mənəm gündə yüz yol ümidi sınmış,
mənəm gündə yüz yol alçalmış uşaq.
Mənəm ürəyində ağ tükü olan,
mənəm ürəyindən qocalmış uşaq.
Bəlkə də,bəxtimi özüm itirdim,
bəlkə də,əvvəldən bəxtim olmadı.
İndidən özümə bir qəbir qazım,
bəlkə heç sonralar vaxtım olmadı.
Özümü öldürmək günah sayılmaz,
bir belə yaşamaq səhvsə,günahsa.
Tanrıda özünü öldürər bəlkə,
vaxt tapıb yazdığı yazıya baxsa.
Batmağa yollanar gün yavaş-yavaş,
Şəkilim üşüyər başın üstündə.
Mən dəli bir sevgi, sən həykəltaraş,
Yon mənim əksimi daşın üstündə.
Bu daş ki, sükutdur-sükut hələlik,
Tozumdan gözünə vurmasın külək.
Biraz tənhalıq ver, biraz dəlilik,
Vicudum ruhunu oxşasın gərək!
Ürək qoy sinəmin üstünü oyub,
Bəlkə də qədrimi bilərsən mənim.
Darıxsan gözünün üstünə qoyub,
Arada tozumu silərsən mənim.
Yenə daş oyandım bu sübh çağına,
Gözlərim kor oldu yaraşığından.
Qaldır əllərini tut qabağına,
Qoru gözlərimi gün işığından!
Şəkidə elmi- mədəni mühitn formalaşmasında Şəki Regional Elmi Mərkəzi mühüm rol oynayır.
sоn illərdə fəaliyyətə başlayan labоratоriyalardan biri də, zamanın tələbi ilə yaradılan “Fоlklоrşünaslıq və el sənətləri” labоratоriyasıdır. Bu laborotoriyanın yaradılmasında əsas məqsəd Balakən-Şəki regionunda təşəkkül tapan folklor örnəklərini toplamaq, sistemləşdirmək, araşdırmaq və nəşr üçün hazırlamaq idi.
Labоratоriya 1989-cü ildə yaradılmış və оnun ilk rəhbəri filоlоgiya elmləri namizədi, mərhum Nurpaşa Hümmətоv оlmuşdur. Az müddət keçdikdən sоnra Nurpaşa müəllim dünyasını dəyişmiş, оnun əvəzinə 1990-cı ilin əvvəlində sənətşünaslıq namizədi, əməkdar memar Nərgiz Əsgərоva labоratоriya rəhbəri təyin edilmişdir.
1993-cü ildə Nərgiz Əsgərоva elmi işlər üzrə direktоr müavini vəzifəsinə keçirildikdən sоnra şair Vaqif Aslan labоratоriya rəhbəri təyin edilmişdir.
1997-ci ildə Azərbaycan MEA Ədəbiyyat Institutu Fоlklоr sarayının Şəkidə filialı yaradılmış və şair Vaqif Aslan həmin saraya direktоr təyin edilmişdir. 1998-ci ildən labоratоriyaya filоlоgiya elmlər namizədi, dosent Ulduz Mürşüdоva rəhbərlik edir. (daha&helliip;)
İçimdə təşviş var,
Elə yorulmuşam bu axtarışdan.
Çox uzaq ulduztək
yaxın ol mənə.
Yaxınlıq görünər uzaqlığında…
Yoxsa ki, yoxsa ki…
Sayım saat-saat sənsizliyimi…
Unudub özümü haraya gedim?!
Bircə əlacım var,
Elə bu gecə…
Saydıqca yorulub yuxuya gedim.
Aparsın ovcunda məni ta yuxu,
Hardasa,hardasa sən olan yerə…
Nə bilim…
bəlkə də daha qar yağıb,
Sənin sinəndəki mən olan yerə…
Səni axtarıram son ulduzumda,
Deyirəm sonumda bəlkə “SƏN”im var…
Qulaq ver səsimə,duy harayımı,
İndi təsəlliyə ehtiyacım var.
Viranə qoyublar qəlb sarayımı,
Səntək gözəlliyə ehtiyacım var.
Gəlmişəm hal-əhval edim səninlə,
Dalğalar ruhumu alsın aparsın.
Gəlmişəm baş alıb gedim səninlə,
Bu zalım dünyadan canım qurtarsın.
Bəs sənə nə olub niyə durğunsan?!
Gözümə birtəhər dəyirsən bu gün.
Bir az kədərlisən, bir az yorğunsan,
Bir az da qəddini əyirsən bu gün.
Vaxt ötür, hər şeydən bezirsən,dəniz,
Nifrət eləyirsən dünya varına.
Sən də mi ölümü gəzirsən dəniz,
Yazığın gəlmirmi dalğalarına?!
Sanki yadlaşmısan,uzaqlaşmısan,
Elə bil dünyadan qovublar səni.
Sən ki qatilinlə qucaqlaşmısan,
Çirkab sularında boğublar səni.
Gəmilər dönübdür başdaşlarına,
Qəbrini qoynunda qazdırıbdılar.
Məhəl qoymayıblar göz yaşlarına,
Səni diri-diri basdırıbdılar.
Sənə nə deyim ki,güldürüm,dəniz,
Söylə sonuncu kəz nə vaxt gülmüsən?!
Gəlmişdim özümü öldürüm,dəniz,
Gördüm ki, sən məndən əvvəl ölmüsən!
Kaş kəpənək olaraq bu dünyaya gələydim…
Çiçəklərdən zövq alıb ömrü vuraydım başa,
Bir kəpənək ömrüyle mən də ömür sürəydim,
Qısacıq məhəbbətim onda dəyməzdi daşa…
Kaş kəpənək olaraq bu dünyaya gələydim…
Qanadlarım zər dolu, ipək kimi qalaydı,
Kaş bu sözü o zaman men ürəkdən deyəydim,
Deyəydim ki, pərvazım xoşbəxtliyə olaydı…
Kaş kəpənək olaraq bu dünyaya gələydim…
Çiçəklər dostum olar, çəmənlərsə məskənim,
Kaş o zaman həyatın ləzzətini duyaydim,
Nə həsrətim olaydı, nə də ki bir nisgilim…
Yazıçı Eyvaz Zeynalovun növbəti kitabı işıq üzü görüb. “Alatoran” nəşriyyatının buraxdığı kitaba yazıçının “Alın yazısı” romanı daxildir. Romanın süjet xətti təyyarə qəzasında həlak olmuş bir gəncin Rusiyanın və Ukraynanın şəhərlərində başına gələn maraqlı hadisələrdən ibarətdir.
Kitabı Bakının kitab mağazalarından əldə etmək mümkündür.
AYB, DGTYB və “Gənc Ədiblər Məktəbi”nin üzvü,
Azərbaycan Respublikası Prezidentinin Təqaüd Fondunun təqaüdçüsü
nə eləsən elə… yadıma gəlmir,
necə açılmışdı tale qapımız…
Bakı küçələri tapa da bilmir
harda dolaşıbdı addımlarımız…
bizim pəncərəmiz yaman utanıb,
örtüb rübəndini yanaqlarına…
“bizim” dediyimiz ömür qurtarıb,
yaşam artıq “sənin”, “mənim” adında…
o qız ölüb… məzar daşı ömrünün
“eşq” adlı tənhalar şəhərindədi…
mənim boyadığım qara gününün
ağlığı yoxluğum qədərindədir…
Əzizim, ala gözlər,
Bircə cüt ala gözlər.
Qorxuram baxışlarla
Canımı ala gözlər.
Əzizim, dağlar qalıb,
Sinəsi dağlar qalıb.
Laçında ürəyimiz,
Şuşada dağlar qalıb.
Əzizim, gözəl yara,
Vurğunam gözəl yara.
Bu sevən qəlbimə sən
Vurma, ey gözəl, yara.
Əzizim, gözlər qalıb,
Üz solub, gözlər qalıb.
Evlərdə neçə uşaq
Atasın gözlər qalıb.
Əzizinəm, aranı,
Gəzdim dağı, aranı.
Heç baxmırsan üzümə,
De, kim qatdı aranı?
Əzizinəm, sürmə, gəl,
Gözünə çək sürmə, gəl.
Elnur sənsiz darıxır,
Ayrılığı sürmə, gəl.
Əzizim, külək əsir,
Qar yağır, külək əsir.
Bir qız məni özünə
Eləyib, külək, əsir.
Mən aşiqəm, gül üzə,
Gül yanağa, gül üzə.
Bir yol gəlib insafa,
Heç olmasa, gül üzə.
Əzizinəm, qar alıb,
Dağ başını qar alıb.
Zalımın zülümündən
Dünyada daş qaralıb.
Əzizim, dinlə məni,
Qulaq as, dinlə məni.
Avam insan deyiləm,
Qorxutma dinlə məni.
Niyə bu qədər doğmasn mənə ,
Bu qədər ,doğmanin ,yadin içində ,
Ançaq sən doğmasan,əzizsən mən,
Görəsən ,niyə sən ? ,goğmasan belə ,
Ömrümə ,bəzəysen ,işiqsan belə ,
Görəsən ,bəs niyyə doğmasan dellə,
Bu qədər , insani icində ,nədən ?
Təkcə sən ,doğmasan ,əzizsən belə…
Sən sanki , elə mənim özümsən ,
Görəsen ,bu sensen yoxsa özümüməm ?
Tərədüd icində qalmişam inan ,
Bu qedr doğmanin ,yadin icində,
Niyə sən ? Niyə sen ? doğmasan belə
Ruhumu oxşayır bahar ətirli
çiçəklər, bənövşə , yasəmən kimi
Üzümdə canlanlr dərin sətirli
qəlbimdə çalınır nəğməmim simi…
Qaranquş yuvadan boylanır baxır
Qəlbimdə ən dərin sevgi oyanır
cəh -cəhlə hər yanı rəngə boyanır
Əlimdə ən isti əllərin kimi…
Sanki ilk eşqimi xatırlayıram
Qaranqus gələndə bahar yaz kimi
onu hər nəfəsdə arzulayıram
ömrümün ən əziz arzusu kimi…
Yarpaqda budaqdan düşür yavaşca
Yağışda torpağa dolub yağdıqca
mən səni sevmişəm qaranquşlarla
durnalar elimə gəldiyi kimi…
Fidan ilham alıb yazdı vəsfinə
hələ deyiləcək neçə sözüm var
heyranam mən sənin təmiz qəlbinə
bir gün arzularım tam gerçək olar…
Sual işarəsinə oxşayır qoca,
Sualın içində yaşayır qoca,
Yol gedir. yol gedir xatirələrə…
Sualın cavabı nəvələr gəlir,
Nidalar kimi..
Ayağını azca ləngidir qoca
Bir azca əyir belini
Nəsə tapırmış kimi
Yenidən boylanır xatirələrə…
Xatirələr uzaqda deyil ki,
Əlində, üzündə qollarındadır.
Onunçün torpağa o əyilir ki,
Xatirələr getdiyi yollarındadı..
Əyilir birini qaldıra bilmir,
Beləcə dolanır küçəni qoca.
Bütün xatirələr qapısı bağlı
Açılmır ki,
Keçə qocalıqdan gəncliyə qoca
Həyat tək çırpınır küçədə qoca.
(“Didərgin şərgisi, qaçqın harayı” silsiləsindən)
Bir ovuc təsəlli, bir ovuc səbir,
Bir ovuc ümid ver- çəkim başıma.
Ağlıma gəlməyən, bağrımı dəlir,
Haranın külünü töküm başıma ?!
Yerinə düşmür heç, sözüm yerinə,
Ha “İllah” edirəm- söz yerə düşür.
Əyrilər ucalır düzün yerinə,
Əyilə- əyilə düz yerə düşür.
Yad əldə didilən bir əlçım yunam,
Bir əlçim buludam yol çəkən gözdə.
Köhnə bayatılı qəmli oyunam,
Nəmli göz yaşıyam verilən sözdə.
Kimi göz götürür, söz yerə salır,
Kimi ot bitirir dillərin üstə…
Dərdi şələləyib, çiynimə alıb,
Çıxıb gedəcəyəm illərim üstən.
Bəxtimin rənginə çalan ocaqda
Gözlərim özgə rəng görmür- neyləyim?
Qarala-qarala qalan ocaqdan
Gedən səadəti necə əyləyim?!
Bir ovuc adamın əlindən qaçan
Bir ovuc torpağam, bir ovuc suyam.
Qərib çadırlara köksünü açan
Yurdu qəribsəyən qərib harayam.
Hər gözdən bir həsrət, bir qüssə yağır,
Bir qərib hava çal, isinsin canım.
Qəriblik alnıma yazılan ağı,
Qəribəm, yurdumda qəribəm, canım!
Bir ovuc təsəlli, bir ovuc səbir,
Bir ovuc ümid ver- çəkim başıma.
Ağlıma gəlməyən başıma gəlir,
Haranın külünü töküm başıma?!
Azərbaycan.Quba.
19.02.2001.
Qızbəsti Quliyeva 2000-ci ildə Naxçıvan Muxtar Respublikasının Şahbuz şəhərində anadan olmuşdur. Hazırda Şahbuz şəhər 1 №-li tam orta məktəbin VIII sinfində oxuyur.
Öz hiss və duyğularını poetik şəkildə elə indidən çox sərrast şəkildə ifadə etməyi bacaran gənc qələm dostumuza yaradıcılıq yollarında uğurlar arzulayır və onun bir neçə şeirini oxuculara təqdim edirik.
Şəhid anası
Oğlunu torpağa qurban vermisən,
Övlad itkisini sən ki görmüsən,
Çiçək bitirmisən, xəzan dərmisən,
Ağla bu dəhşətə, şəhid anası.
Ağlama desəm də kar etməyəcək,
Bu acı qəlbindən heç getməyəcək,
Kabuslu yuxular heç bitməyəcək,
Ağla bu dəhşətə, şəhid anası.
Gecənin yarısı xəbər almısan,
Səsizcə, heyrətlə donub qalmısan,
Bulud tək qaralıb, göy tək dolmusan,
Ağla bu dəhşətə, şəhid anası.
Qapqara saçına düşübdü ağ dən,
Övlad qisasını alacaqsan sən,
Adını tarixə yazacaq Vətən,
Ağla bu dəhşətə, şəhid anası.
İgidlərim, ərənlərim, mərdlərim
Göyə qalxdı silahların tüstüsü,
Ürəyimdə torpağımın istisi,
Hər tərəfdə igidlərin gur səsi,
İgidlərim, ərənlərim, mərdlərim.
Düşmənləri ayağıma sərdilər,
Yaxşı gündə, dar gündə də birdilər
Vətən üçün canlarını verdilər,
İgidlərim, ərənlərim, mərdlərim.
Şəhid oldu neçə-neçə igidim,
Neçə dünya olsa sığışmaz dərdim,
Azadlıqdır mənim eşqim, qismətim,
İgidlərim, ərənlərim, mərdlərim.
Abdiyev Elnur Dilavər oğlu 1980-cı il may ayının 5-də Neftçala rayonunun Aşağı Surra kəndində doğulub. Orta təhsilini kənd məktəbində başa vurub. 2005- ci ildə Lənkəran Dövlət Universitetinin filologiya fakültəsini bitirib. Hal-hazırda Z.Əsgərov adına Aşağı Surra kənd tam orta məktəbdə ədəbiyyat müəllimidir. İki kitab və bir neçə publisistik yazıların müəllifidir.
Qadın göz yaşına inləyir ruhum
Nə olar,ağlama,sil,göz yaşını,
Qadın göz yaşına inləyir ruhum.
Zümrüd gözlərindən daman damlanı,
Bir nalə,fəryadtək dinləyir ruhum.
Səni ağladanlar anlamır nədən?
Qadınsız bir kişi yurddaşsız Vətən.
Tərk edir bədəni,ruhsuzdur bədən,
Qalxıbdı,cismimə enməyir ruhum.
Ağlama,bağrımı gəl etmə,şan-şan,
Elə bil qanımdır,gözündən axan.
Sükuta qərq olub,halı pərişan,
Baxır göz yaşına,dinməyir ruhum.
Bəlkə,sən deyilsən,özgəsidir,bu?
Gözündə bulanıb eşqin ağ suyu,
Bəlkə də,taleyin tənəsidir,bu.
Gözlərin elə bil dərin bir quyu,
Bəlkə,sən deyilsən,özgəsidir,bu?
Hanı şaqraq gülüş,o şux yerişin?
Onu verən həyat geri aldımı?
Ya uğursuz oldu , bu son gedişin?
Sənə də uduzmaq nəsib oldumu?
Üzünə iz salıb zamanın əli,
Daha nə var alnın qırışlarında?
Gör nələr yazıbdır,taleyin əli,
Susqun həyat nədir,baxışlarında?
Kaş dönə yaşanan o xoşbəxt anlar,
Neyləyək bu anı kimsə bilməsin?
Səni bürüməyə bircə qəlbim var,
Gəl gir ürəyimə kimsə görməsin.
Azərbaycan Yazıçılar və Jurnalistlər Birliklərinin üzvü,
Azərbaycan Respublikası Prezidentinin Təqaüd Fondunun təqaüdçüsü,
Gəl otur, hərəyə yüz qram içək,
Sənin sağlığına qəmlənək bir az.
Soyun əynindəki çulu-çuxanı,
Eşqin dumanında nəmlənək bir az.
Araya nə qədər ağ pəri girib,
Həyat torpaq kimi dadın itirib.
…Adəmin günahın almaq əbəsdir,
Kişi Həvva boyda qadın itirib…
Məndən yanağını uzaq tut, nazlım,
Dişlərim qaşınır – zəliyəm artıq.
Mən aşiq oluram, aşıq sanırlar,
O da elə bilir, dəliyəm artıq.
yaz gecəsində görüşdük,
ağaclar qrov bağlamışdı soyuq nəfəsindən
dolanmışdı qapımıza qaranlıq zolağı
nəyisə xatırladırdı, yada anladırdı.
onda nəfəsim çox istiydi, kin-küdurətsizdim
illər keçdikcə, soyuqluğun ciyərlərimə dolurdu
buzladırdı ciyərlərimi..
nəfəs almaz olurdum.
yay gecəsində, tənginəfəsdim..
öləcəyimdəm ölmüşümə gedirdim.
dünya öldükcə ölürdü.
bir qığılcım vardı ovcuma topladıqlarımda.
ovcumdan atdıqlarımda.
gömülməyə gedirdim dünyanın ürəyində.
getdim…
fəsillərim qarışdı.
mən adlı kim qaldı ki..?
danışan taptanan, itib-batan ayaq izlərindən başqa.
gəlişimdən gedişimin fərqinə gedirdim, getdikcə
uzandıqca, qısaldıqca özümə boylanırdım səndən.
varlığımda yoxluq, yoxluğumda varlıq daşıyan dünya!
sinəndə sıralanıb baş daşlarım…
boyun bağın!
Böyük ümüdlərlə sevmişdim səni
kaş ki bu sevgini görə biləydin
bax yarı yoldada tərk etdin məni
kaş bunu ilk gündən görə biləydim…
Səni tanımadım tələsdim bir az
düşündüm zamanla sevərsən məni
axı zorla belə gözəllik olmaz
zərrədən bir dağa çevirdim səni…
Vəfasız dedilər heçə saymışıq
deməli sevməyən vəfasız olur
bunu bilirəmki gec anlamışıq
gedənin yerinə başqası dolur…
Məni qınayanlar sual edirlər
niyə məhəbbətdən sınıqsan belə
mən necə deyim ki bir vaxt sevirlər
gedərkən sevgilər çevrilir kinə…
Ömür yollarımda iz qoyub getdin
bilmirəm sabaha nə ümüdüm var
bir bax ki sən mənə daha nə etdin
insanı fikirlər vaxtsız qocaldar…
Fidan susmur qəlbin naləsinə bax
acıdır sevginin bıçaq yarası
indi zəfərinçün böyük çələng tax
beyaz dəyişərək qalır qarası…
Silahlı Qüvvələr gününə həsr edilmiş “Azərbaycan uğrunda” hərbi-vətənpərvərlik mahnı müsabiqəsi Gəncə Qarnizonu Zabitlər Evinin və Müdafiə Nazirliyinin Birləşmiş Həmkarlar İttifaqı Komitəsinin birgə təşkilatçılığı ilə Azərbaycanın bütün cəbhə bölgələrində yerləşən rayonlarında keçirilməsi planlaşdırılır.
Hərbi-vətənpərvərlik mahnı müsabiqəsi Azərbaycan Respublikasının bütün cəbhə rayonlarını: Qazax, Ağstafa, Tovuz, Gədəbəy, Şəmkir, Daşkəsən, Göygöl, Goranboy, Tərtər, Bərdə, Ağdam, Ağcabədi, Beyləqan, Füzuli, həmçinin Gəncə və Naftalan şəhərlərini əhatə edir.
Müsabiqədə həmçinin Azərbaycan Respublikasının digər rayonlarında yaşayan gənclər iştirak edə bilərlər. Bundan ötrü iştirakçının şəxsi iştirakına ehtiyac yoxdur, müsabiqədə uzaqdan da iştirak etmək olar. İştirakçı öz çıxışını video-çarx şəklində müsabiqənin elektron ünvana (festival@gim.az) göndərə bilər.
Müsabiqənin iştirakçılarının qeydiyyatı 10 aprel 2015-ci il tarixədək keçirilir. İştirak etmək üçün ərizələr Gəncə Qarnizonu Zabitlər Evində (Gəncə şəhəri, Nizami Gəncəvi prospekti, 56) və ya festival@gim.az elektron ünvanına göndərilərək verilir.
Müsabiqə iştirakçılarının bütün çıxışları internet səhifəsində yerləşdiriləcək. Həmin səhifədə istənilən iştirakçının video-çarxına baxmaq və bəyəndiyi iştirakçıya səs vermək imkanı olacaq.
İştirakçıların çıxışları professional münsiflər heyəti tərəfindən qiymətləndiriləcək.
Birinci turun konsertləri hərbi hissələrin ərazilərində keçiriləcək. Mülki iştirakçılara hərbi hissənin ərazisində gəzinti təşkil ediləcək. İştirakçılar gəzinti zamanı əsgər yataqxanası, sinif otaqları, atıcı silah və hərbi texnika ilə tanış olacaqlar. Seçim konserti keçirildikdən sonra əsgər yeməkxanasında iştirakçılar üçün nahar yeməyi təşkil ediləcək.
İkinci turun konsertləri aşağıda göstərilən bölgələrdə keçiriləcək: Bərdə, Beyləqan, Şəmkir, Gəncə.
Yarımfinal və final konsertləri Gəncə Qarnizonu Zabitlər Evinin tamaşa zalında keçiriləcək.
Qaliblərin mükafatlandırılması Azərbaycan Respublikası Silahlı Qüvvələrinin yaradılmasının 97-ci ildönümünə həsr olunmuş qala-konsertdə baş tutacaq.
Şəfa VƏLİ,
AYB üzvü və Prezident təqaüdçüsü.
Dönüb simuzərə mini birində,
Daha kəraməti yoxdur pirin də.
Göz yaşı qaynayır hər ləpirində,
Üstündə şadlanıb güldüyün yolun.
Sevinc buludundan yağan kədərdir,
Allahın günahı bəxtdır,qədərdir.
Sirri,müəmması milyard qədərdir,
Ovcunun içitək bildiyin yolun.
Hərə bu dünyanı bir cürə yozdu,
Fikir çəmbərində saydı,uduzdu.
Sənin həyatına xəmirdi,duzdu,
Üstündə bayılıb öldüyün yolun.
Şirin sabahların zəhər dadıdır,
Göydə uçanların yer qanadıdır.
Axır da əvvəlin başqa adıdır,
Əvvəli öndədir gəldiyin yolun
Millətim yatıbdı fil qulağında,
Gəlirin, çıxarın bilmədi, vallah!
Çapıb talamağa gəlirlər bizə,
Gələn xoş niyyətlə gəlmədi, vallah!
itirə-itirə gəlirik!-Hanı,
Yurdun Zəngəzuru, ya İrəvanı?!
Bölgələrə bölürük Azərbaycanı,
Yad gəlib bizləri bölmədi, vallah!
Dərbəndim,Təbrizim müdam ağlayır,
Qarabağlıların qara bağlayır!
Borçalının dərdi ürək dağlayır,
Kərkük göz yaşını silmədi, vallah!
Bir sancı doğruyur qəlbimi mənim,
Bizə biz olmuşuq hər zaman qənim!
Məşəqqət içində yazıq vətənim,
Bir dəfə ürəkden gülmədi,vallah !
Öndə gədəniyik biz latın, lütün,
Hardan xeyir gələr, kəsmişik kütün!
Qalibin ölübdür ümidi bütün,
Bir quru cismidi ölmədi, vallah !
Dünyada
Sən qəlbimin hərarəti, atəşi,
Səndən gözəl ola bilməz
dünyada.
Gözəlliyin utandırar günəşi,
Səndən gözəl ola bilməz
dünyada.
Bu məqamı gözləmisən xeyli
sən,
Vurulmusan, sən də mənə
meylisən
Divanəyəm, Məcnun mənəm, Leyli sən,
Səndən gözəl ola bilməz
dünyada.
Bir xəstədir, sənsən şəfa
Elnura,
Əbəs yerə vermə cəfa
Elnura. Sevgidə sən göstər vəfa
Elnura,
Səndən gözəl ola bilməz dünyada.
Bu gün kənd qəbiristanlığında Şəhidlərin məzarlarını ziyarət etdim. Baxdım,baxdım,sadəcə qəlbimdə bir qürur hissi doğdu.
Bu məzarlar şanlı tarix səhifəsi,
Uyuyublar, Vətən ömür sürmək üçün.
Hər bir şəhid özü boyda Yer kürəsi,
Bu kürədə yaşa sevgi hörmək üçün.
O qanlarla Bayrağımda Vətən gülür,
Ruhu enməz şəhidlərdir,Vətən gülü.
Haqq yolunda ölənlərə demə ölü,
Onlar yaşar,sən acizsən görmək üçün.
Gör nə qədər böyüksən ki, ey şəhid sən!
Bir savabın cavabına tək şahidsən.
Baş əyirəm məzarların önündə mən,
Şəhidlərə şanlı salam vermək üçün.
Ürəyimdə güclü məhəbbət oyat,
Ömrün sonunadək bəs edə bilsin.
Duyğular müqəddəs, saf, təmiz olsun,
Dillənsin ürəkdə səs edə bilsin.
Elə et ki, hazır olum olməyə,
Təkcə sənnən danışmağa, gülməyə.
Mənimlə dərdini yarı bölməyə,
Qoyma snnən qeyri kəs edə bilsin.
Nailəm, eşqinlə alışım yanım,
Sənsiz keçən günə qoyma dayanım.
Sənnən ayrı düşsə bu sevən canım,
Naz-qəmzəndən umu-küs edə bilsin.
1 may 2015-ci il tarixdə Azərbaycan Dİllər Universiteti tərəfindən Azərbaycan Xalqının ümummilli lideri, Müasir müstəqil Azərbaycan dövlətinin memarı və qurucusu Heydər Əlirza oğlu Əliyevin anadan olmasının 92-ci ildönümünə həsr olunmuş şeir müsabiqəsi keçirilib.
Kütləvi informasiya vasitələrinin nümayəndələrinin də iştirakı ilə keçirilən tədbirdə müxtəlif ali təhsil müəssisələrinin tələbələri və müəllimləri iştirak edib.Müsabiqənin qalibi Bakı Slavyan Universitetinin Yaradıcılıq fakültəsinin I kurs dinləyicisi, Gündəlik İnformasiya Agentliyinin və Azərbaycanın Mədəniyyət və Ədəbiyyat Portalının Yönətim Kurulunun Fəxri üzvü və əməkdaşı, gənc xanım yazar Ülkər Piriyeva olub.
Azərbaycanın Mədəniyyət və Ədəbiyyat Portalının Mətbuat xidməti
Gecənin zülmətinin tozunu
üstümdən çırpmamış səhər açılmışdı…
Onsuz keçən günlərimin hədiyyəsi
Şillə kimi üzümü qızartmışdı.
Dünyadakı heç bir həzzi bu iztiraba
dəyişməzdim.
Tipik Oxatanlar kimi inadkardım,
Oysa o qədər mərhəmətli idi ki, hətta
Iblisə də yazığı gəlirdi…
Ehh, kim təsəvvür edə bilər ki, bu nə cür
xoşbəxtlikdir.
Daha ölməyə azca da niyyətim yoxdur.
Amma o gün…
O gün…Səhər dodaq boyasıyla
güzgüyə yazdım:
“Sevgilim, bu dünyada biz tənhayıq”
Qayıtmadım…
XATİRƏ QALACAQ
Bir yol olub, yürüdüyüm illərim,
Sirdaş olub mənə,ötən günlərim.
Yazdığım hər misralarım,sözlərim,
Bu ömürdən bir xatirə olacaq.
Enisli-yoxuşlu uzanan yollar,
Güvənli dağlara yağan o qarlar,
Yaşanan uğurlar,həm imtahanlar,
Bu ömürdən silinməz iz salacaq.
Yaşanan illərin qışı, həm yazı,
Vusalın sevinci, hicranın yası,
Ürəkdən süzülub gələn hər yazı,
Bu ömürdən bir gün daha alacaq.
Həyat öz köçünü çəkib gedəcək,
Kimlər ağlayacaq,kimlər güləcək?
Günun birindəysə hər şey bitəcək,
Bu ömürdən tək nişanə qalacaq.
Bu ömürdən, bir xatirə qalacaq.
SEVGİ NAĞILI
Bir sevgi nağılı danış sən mənə,
Orda həsrətlərdən söz açılmasın,
Xoşbəxt sevgilərsə yarı qalmasın.
Bir sevgi nağılı danış sən mənə.
Orda həm sədaqət,həm vəfa olsun,
Sevinc yaşlarıyla gözlər də dolsun.
Yasanan hər sevgi bir örnək olsun,
Bir sevğı nağılı danış, sən mənə..
Məcnunlar Leyliyə həsrət qalmasın,
Fərhad min əzabla külüng çalmasın,
Züleyxa Yusifsiz qəmə batmasın,
Bir sevgi nağılı danış, sən mənə.
Əzrayıl qapını vaxtsız döyməsin,
Fərizə eşq üçün kəfən biçməsin,
Sevgilərin sonu belə bitməsin,
Bir sevgi nağılı danış, sən mənə.
Güvənli dağlara qarlar yağmasın,
Xəyanət kəlməsi heç anılmasın.
Vusalın yolları bağlı qalmasın,
Bir sevgi nağılı danış, sən mənə.
Nağıl dünyasına qonaq olsam da,
Bir gün bu həyatla vidalaşsam da,
Daha nağıllara inanmasam da,
Bir sevgi nağılı danış, sən mənə.
GEDİRSƏN
Yenə görüşünə gəlib dostların,
Bu görüş -acı bir tarix yazacaq.
Hər görüş xoşbəxtlik deyilki,ustad,
Qələm də bir vida şeirin yazacaq..
Qəsdimə dayanan bu zalım ay da,
Səni də bizlərdən alıb aparır.
Ruhun bizimlədir,cismin yol üstdə,
Ömür də öz köçün çəkib aparır.
Dəvətinə gəlib, səni sevənlər,
Ölümə-“xoş gəldin”,deyib gedirsən.
Qəlbimdə acı bir fəryad yüksəlir,
Qonaqların gəlib, hara gedirsən..?!
Ülviyyə Vahid
01 may 2015-ci ildə Azərbaycan Yazıçılar Birliyinin Gəncə bölməsində “Ədəbi nümunələrdə Heydər Əliyev” mövzusunda tədbir keçirilib. Tədbiri giriş sözüylə AYB Gəncə bölməsinin sədri Xəzangül Hüseynova açıb. Qeyd edib ki, Ümummilli lider Heydər Əliyevin həyat və yaradıcılığı qələm sahibləri üçün tükənməz mövzudur. Türk Dünyası Araşdırmaları Beynəlxalq Elmlər Akademiyasının fəxri doktoru, Beynəlxalq “Altın Yıldız” medalına layiq görülmüş yazıçı Qərib Mehdi də Ulu Öndərin ədəbiyyata olan sevgisindən və qayğısından danışıb.
Daha sonra Firəngiz İdrisqızının rəhbərliyi ilə Gəncə Dövlət Universitetində fəaliyyət göstərən “Gəncliyin səsi” ədəbi dərnəyinin yetirməsi olan, AYB üzvü və Prezident təqaüdçüsü Xəyalə Sevilin yeni nəşr olunmuş “Saçlarıma ay qonub” kitabının təqdimatı keçirilib.
Gəncə ədəbi mühitinin görkəmli nümayəndələri- Prezident təqaüdçüsü Aləmzər Əlizadə, Sahib İbrahimli, İnqilab İsaq, Ramiz Təmkin, Oqtay Abdulla, Almaz Yusifqızı öz çıxışlarında Xəyalənin istedadından və özünəməxsus üslubundan danışıblar. Firəngiz İdrisqızı gənc şairin “Gəncliyin səsi” dərnəyindəki fəallığını, Elməddin Nicat və Vüsal İsgəndərli isə dərnəyin Xəyalənin yaradıcılığına təsirini xüsusi qeyd ediblər.
Tədbirdə gənclərdən AYB və DGTYB üzvü Şəfa Vəli, Faiq Abdullayev, Aytac Məmmədova, Təhminə Məmmədova, Elvin Mustafayev, Samirə Səma, Gülnarə Sadiq, həmçinin, Aşıq Elbrus da iştirak ediblər.
Şəfa VƏLİ,
AYB üzvü və Prezident təqaüdçüsü.
Dostlar, olmaz dadı-duzu,
Söz-söhbəti şit adamın.
Nə arı var, nə həyası,
Ruhu çılpaq, lüt adamın.
Haqqa dəvət etsə mini,
Yenə eylər bildiyini.
Yox imanı, yox bir dini,
Səcdəgahı büt adamın.
Üzdə tərif yapan gördüm,
Hiylə yolun tapan gördüm.
Arxadan çox qapan gördüm,
Belə qapmaz it,- adamı.
Xainlərin qəlbi kindir,
Nə danışdır, nə də dindir.
Başa salmaq çox çətindir:
Bu zamanda küt adamı !
Sən və sənlə bağlı hər şey incidir məni,
Uzaqdan-uzağa bu nədi belə?
Qəlbim yanında olduğu üçün,
Hiss edir sənin hər halını,
Axı nə gizlədim darıxıram mən,
Deyəsən sənin də bir sıxıntın var ,
Ehtimal edirəm, bu belə deyil,
Sadəcə bu mənim hislərim olar ,
Şadlanan qəlbinlə, gülən üzünlə,
Sanki yanmdasan,sən mənimləsən.
Butü düşüncənlə, o saf qelbiylə ,
Deyəsən elə sən də beləsən…
Bu hislər sənində qəlbindən keçir,
Qəlbimdən, qəlbinə olan bu yolda,
Unutma, daima qəlbim sənindi…
30.04.2015.
30 aprel 2015-ci il tarixdə “Shahbulaq.az” Müstəqil Ədəbiyyat Portalının təsisçisi və baş redaktoru, tanınmış yazıçı Eyvaz Zeynalov tərəfindən təsdiq edilmiş tədbirlər planına uyğun olaraq, gənc yazarlar Nigar Rüstəmqızı, Cahan Xanım, Kənan Aydınoğlu “Shahbulaq.az” Müstəqil Ədəbiyyat Portalının Redaksiya heyətinə üzv qəbul olunublar.Yetişməkdə olan yeni nəsil Azərbaycan ədəbiyyatının nümayəndələrinin-gənc yazarların tanıdılması istiqamətində mühüm tədbirlər həyata keçirililəcək.
Bir yol olub, yürüdüyüm illərim,
Sirdaş olub mənə,ötən günlərim.
Yazdığım hər misralarım,sözlərim,
Bu ömürdən bir xatirə olacaq.
Enisli-yoxuşlu uzanan yollar,
Güvənli dağlara yağan o qarlar,
Yaşanan uğurlar,həm imtahanlar,
Bu ömürdən silinməz iz salacaq. (daha&helliip;)
Gündəlik İnformasiya Agentliyinin Rəhbərliyi Sizi, Çağdaş Azərbaycan ədəbiyyatının görkəmli nümayəndəsini, Azərbaycan Yazıçılar Birliyinin üzvünü, Azərbaycan Respublikası Prezidentinin Təqaüd Fondunun təqaüdçüsünü, Azərbaycanın istedadlı gənc xanım yazarını doğum gününüz münasibətilə səmimi qəlbdən təbrik edir, Sizə uzun ömür, möhkəm cansağlığı, xoşbəxtlik, işlərinizdə uğurlar diləyir!
Dodaqlarınızdan gülüş, yanaqlarınızdan təbəssüm əskik olmasın!
Sevib, sevdiyiniz insanlar ilə birgə olun!
Mətbuat xidməti (daha&helliip;)
Təbriz Elxan (Musazadə Təbriz Elxan oğlu) 1991-ci il oktyabr ayının 29-da Gədəbəy rayonunun Qoşabulaq kəndində dünyaya göz açmışdır. Doğulandan atası, gözəl riyaziyyat müəllimi və şair olan Elxan müəllimin şeirləri ilə böyüyən, dağların təmiz havasından udub, suyundan içən Təbrizdə şeirə və sözə maraq yaranmışdır. Ilk qələm nümunələrini də əsgərlikdə olarkən yazmışdır. Sevgi və vətənpərvərlik motivli şeirlər yazan Təbriz Elxan yurda və millətə sevgi dolu bir gəncdir.
Vətən
Atalar fexr eləsin, analar ağlamasın,
Bacılar gizli-gizli içinde sızlamasın,
Vətən üçün doğulub hünərli, mərd oğullar.
Düsmənlərlə çarpışıb uca şəhid olurlar.
Vətəni tərk edən kəs .xar olar, xar həmişə,
Vətən üçün can vermək qürurdur hər igidə.
Nə qeder sinemde çirpinir urek,
Döndərən deyilem düşmənə kürək. (daha&helliip;)
boğulan göz yaşlarımın
matəminə gəlmişdi ümidim
dənə-dənə ağlayırdı.
kəndirənmişdi boğazımda.
intihar günahdır deyirlər axı.
asılmağın günahı,
asılqan yerindəydi bəlkə də…
öldükləri gecə
adını çəkə bilmədiyim
zülmətlərə qarışan ömür,
qanına boyanan gənclik, (daha&helliip;)
Duyğuların ən ülvisi sevgidir
Bir gün , bir vaxt kimisə sevəcəksən
içindəki qısqanclığın hissidir
dəli kimi sevmə dəyişəcəksən…
Fikirlərdən qocalacaq arzular
nə ümüdün , nə isdəyin qalacaq
boğacaqdır qəlbindəki duyğular
bəzən səni sevə sevə yoracaq…
(daha&helliip;)
AYB, DGTYB və “Gənc Ədiblər Məktəbi”nin üzvü,
Azərbaycan Respublikası Prezidentinin Təqaüd Fondunun təqaüdçüsü
Bir gün gələcəm sizə
bir gün gələcəm sizə,
elə-belə… təsadüf…
qonşu qoyacaq sözə,
-arsızdı, özü gəlib…
keçəcəyəm mətbəxə,
qaynayacaq çaydanın…
dadı qalıb deyirlər,
damağında dolmanın… (daha&helliip;)
Bahar gəlib ,ağaclar da, çiçəklənib ,
Qəlbizdə arzu – isdək ,
Sən yağirsan bahar fəsli ,
Qiş ditibdi ,qişda yağdin ,
Ağaclara ,qəlnimizə ,
Daha yağma ,bəsdi yağdin,
Qəlbimizi dondirursan ,
Çiçəklnmiş ağaclara ,
Daha yağma ,
İndi bahar fəsli ğəlib ,
Sən ğet qəlmə ,
Yağma daha , (daha&helliip;)
Deyirəm, ay sevgilim,
Sən, adımı yaz sinənə.
Qızıldan hərflərlə,
Lövhə düzəlt, as sinənə.
Ürəyində mənimçün,
Gizli cığır aç sinənə,
Kim bilir, kim inciyir,
Dəxli yoxdu, heç mənə nə?!.
Deyirəm, bu dünyanın,
Hər bir işi sirr müəmma,
İnsanlığı olmayan,
Gəzir şöhrət azarında.
Sevənə lağ eləyir,ağız əyir,
Özü, amma,
Batıb çirkab içinə,
Alış-veriş bazarında!
Deyirəm, eləsinin,
Bilinməz nə yazı, qarı,
Xasiyyəti bədxahlar,
Bax elə qalsın, xaraba!
Niyyəti pisdi, rəzildi,
Adı da bayquş qarı,
Yığışıb köç etsinlər,
Burda qalsın, gözəl oba!
23 aprel 2015-ci il tarixdə, saat 12:00-da, Kitabevim mağazasında Azərbaycan Yazıçılar Birliyinin və “Gənc Ədiblər Məktəbi”nin üzvü, istedadlı gənc yazar Elşad Baratın “310-cu Otaq” adlı yeni şeirlər kitabının təqdimat mərasimi keçiriləcək.Kütləvi informasiya vasitələrinin nümayəndələrinin də iştirakı gözlənilir.İştirak etmək istəyən hər kəs dəvətlidir.
Azərbaycanın Mədəniyyət və Ədəbiyyat Portalının Mətbuat xidməti
Cahan Gülsün 3 mart 1993-cü il tarixində Masallı şəhərində anadan olub. 2010-cu ildə Bakı şəhəri S.Hacıyev adına 5 nömrəli orta məktəbi bitirib.2010-2014-cü illərdə Bakı Dövlət Universitetinin Filologiya fakültəsində bakalavr dərəcəsi üzrə ali təhsil alıb.Hal-hazırda Bakı Dövlət Universiteti, Filologiya fakültəsi Dünya ədəbiyyatı kafedrasının magistrantıdır.
Ədəbi-bədii yaradıcılığıa erkən hələ uşaq yaşlarından başlayıb.Şeirləri “Yeni nəfəs”, “Bakı Universiteti” qəzetlərində, “ Ulduz” jurnalı, “Amal” incəsənət və ədəbiyyat dərgisində, həmçinin kult.az, avromedia.az və digət saytlarda çap olunmuşdur. (daha&helliip;)
20 aprel 2015-ci il tarixdə, saat 14:00-da,Azərbaycan Yazıçılar Birliyinin Natəvan klubunda Azərbaycan Yazıçılar Birliyinin və “Gənc Ədiblər Məktəbi”nin üzvü, Azərbaycan Respublikası Prezidentinin Təqaüd Fondunun təqaüdçüsü, gənc xanım yazar Xəyalə Sevilin “Saçlarıma ay qonub” adlı yeni şeirlər kitabının təqdimat mərasimi keçirilib.Kütləvi informasiya vasitələrinin nümayəndələrinin də iştirakı ilə keçirilən tədbirdə Azərbaycan Yazıçılar və Jurnalistlər Birliklərinin üzvü, Azərbaycan Respublikası Prezidentinin Təqaüd Fondunun təqaüdçüsü, “Ulduz” jurnalının Poeziya şöbəsinin müdiri, şairə Fərqanə Mehdiyeva, AYB, DGTYB və “Gənc Ədiblər Məktəbi”nin üzvü, Azərbaycan Respublikası Prezidentinin Təqaüd Fondunun təqaüdçüsü, Gündəlik İnformasiya Agentliyinin və Azərbaycanın Mədəniyyət və Ədəbiyyat Portalının “Nəsr” bölməsinin Baş redaktoru, gənc xanım yazar Şəfa Vəliyeva, Azərbaycan Yazıçılar Birliyinin orqanı “Qobustan” jurnalının Baş redaktoru Narıngül,Azərbaycan Yazıçılar Birliyinin aylıq ədəbi-bədii orqanı “Azərbaycan” jurnalının Poeziya şöbəsinin müdiri Qəşəm Nəcəfzadə, DGTYB üzvü, Gündəlik İnformasiya Agentliyinin və Azərbaycanın Mədəniyyət və Ədəbiyyat Portalının Baş redaktor müavini, gənc yazar Vasif Zöhraboğlu və digər qonaqlar iştirak ediblər. (daha&helliip;)
Ay mənim ömrümün saat əqrəbi,
Yaman tez keçirsən ömrümdən, yaman.
Günlər əvəzləyir biri-birini
Nə sən qayıdırsan, nə durur zaman.
Ay mənim ömrümün yaralı yeri,
Qaysaq tutmağına varmı bir güman?
Kimsə söyləməsin unudum səni,
Kimsə toxunmasın yarama, aman.
Ay mənim ömrümün günəş sevgisi,
Nə qədər sürəcək bu zülmət duman?
Ay xəstə adamın son təsəllisi,
Gəl, qayıt sevinsin bu tənha liman.
20.04.2015
18 aprel 2015-ci il tarixdə “Dostluq Məşəli” İctimai Birliyi tərəfindən Çağdaş Azərbaycan ədəbiyyatının görkəmli nümayəndəsi, Azərbaycan Yazıçılar və Jurnalistlər Birliklərinin üzvü, Dünya Azərbaycanlılarının Mədəniyyət Mərkəzinin Mətbuat xidmətinin rəhbəri, “Azad qələm” qəzetinin və “Ali Ziya” jurnalının təsisçisi və baş redaktoru , tanınmış şairə, jurnalist Nəcibə İlkinin yaradıcılığına həsr olunmuş tədbir keçirilib.Kütləvi informasiya vasitələrinin nümayəndələrinin də iştirakı ilə keçirilən tədbirdə Azərbaycan Yazıçılar və Jurnalistlər Birliklərinin üzvü, Azərbaycan Respublikası Prezidentinin Təqaüd Fondunun təqaüdçüsü, “Ulduz” jurnalının Poeziya şöbəsinin müdiri,şairə Fərqanə Mehdiyeva, DGTYB Yönətim Kurulunun üzvü, Azərbaycan Tələbə Yazarlar Birliyinin Mətbuat xidmətinin rəhbəri, Gündəlik İnformasiya Agentliyinin Yönətim Kurulunun Fəxri üzvü, gənc yazar Emil Rasimoğlu və digər qonaqlar iştirak ediblər.Tədbirin sonunda isə xatirə şəkilləri çəkdirilib.
Azərbaycanın Mədəniyyət və Ədəbiyyat Portalının Mətbuat xidməti
Yeni nəsil Azərbaycan ədəbiyyatının görkəmli nümayəndəsi-istedadlı gənc xanım yazarlar AYB, DGTYB və “Gənc Ədiblər Məktəbi”nin üzvü, Gündəlik İnformasiya Agentliyinin və Azərbaycanın Mədəniyyət və Ədəbiyyat Portalının “Nəsr” bölməsinin Baş redaktoru Şəfa Valiyeva ədəbi yaradıcılıqlarındakı fəaliyyətlərinə görə, Azərbaycan Respublikası Prezidentinin Təqaüd Fondunun təqaüdünə layiq görülüb.
Azərbaycanın Mədəniyyət və Ədəbiyyat Portalının Mətbuat xidməti
Vətəndən gözəl yer cənnət sayılar,
Vermə bu elləri yağı düşmənə.
Dərd çəkmə yatanlar bir gün ayılar,
Vermə başı qarlı dağı düşmənə.
Qurumuş bədənlər torpağın üstə,
Güllələr uçuşur evlərin üstə,
Kimsəsiz uşaqlar qucağı üstə,
Oxusun analar ağı düşmənə
Xarı bülbülünü,sarı gəlini,
İncə lalələrin şirin ətrini,
Qəhrəman oğullar verən elini,
Vermə qara bəxtli bağı düşmənə…
yazıram, silirəm
misralarım alovlanır
yanmaq, özümü yandırmaq qədər çətin
başqalarını yandırmaq qədər asandır.
körpələrinin gözündə yaniram…
adını tutmadığın gül üzlü iki körpən.
günahının səbəbini soruşduğumda;
-səni itirmək qorxusundan gizlətdim dedin
bəs itirmədin?! (daha&helliip;)
Deyirdilər gedən üçün ağlama
Bilmirlər ki mən nə üçün ağladım
heç bir zaman xatirəndə saxlama
Xatirəmdə çox gümanki qalamdın…..
Üzüb məni yetərincə sözlərin
ağlar qalıb səndən sonra gözlərim
şükür hələ gedə bilir dizlərim
sən heç zaman gerçək hissim olmadın (daha&helliip;)
* * *
Gözümdə gözünün şəkli qalmasın,
Ayrılıb gedəndə üzümə baxma.
Ölsəm bu ölümün adını sən qoy,
Qatil olduğunu boynuna alma. (daha&helliip;)
-“Onun gözlərindəki bu sevginin əzabından qorxmuşdum nə vaxtsa… Amma, bu gün, iki uşağımı bağrıma basıb da qoxusunu aldığım anda anlayıram ki, onun ayrılığı…. daha doğrusu, ayrılığa rəng tapması özü bir dastan idi… “Arzu-Qəmbər”dən daha böyük bir dastan…” Bunu kiçik bir sms-dən oxumaq özü bir qəribəlikdi deyilmi? Hə… Maraqlıdırmı sənə?
Günəş gülümsəməyə çalışırdı… Ancaq, gözlərindəki, o balaca, qəhvə rəngli gözlərindəki gilələnən yaş onun çöhrəsindəki təbəssümü incəliklə kədərə bürüyə bilirdi… Qucağımda böyüyən bu qızın üzündəki bütün ifadələri əzbərləmişəm artıq… Hirsini, hikkəsini, özünə inamlı danışığını, nəyinsə qarşısında aciz qalınca süzgün-süzgün gözlərimə dikilən baxışlarını, kədərlənəndə daha da məsumlaşan, gülərkən batan yanaqlarını…. Odur ki, onun yanaqlarının şehdən islanmış laləyə dönməsinə az qaldığını anlamışdım… Əhvalatı başdan danışmağa qərar vermişdim… (daha&helliip;)
Nə yaman gec qayıtmısan?
Səni elə gözləyirdim.
Deyirdilər dönməyəcək,
Bilə – bilə gözləyirdim.
Eh, soruşma ürəyimi,
Yadın olub, yadın olub.
O qızcığaz da böyüyüb,
Qadın olub, qadın olub. (daha&helliip;)
Bilmirəm nə edim ,
Nə duşünum ki ,
Unudum ,unudum ,
unudum səni,
Bu qədər dəyərsiz ,
Bu qədər hecmiş ,
Səninücun mənasi yoxmuş…
Bilirsən ,anliya,
bilmirəm nədən , (daha&helliip;)