Bezib şeytan yazıq təsbeh öpməkdən,
Gəzib ömrü boyu səfil, qocalıb.
O qıza deyin ki, güzgüyə baxsın,
Yoxsa elə bilər qəfil qocalıb.
Çoxunun İlahə sandığı qızı,
Bir göz qırpımında gəzib, atırıq.
Bir parça kağızdır arzular sanki,
Elə ki, dəmləndik, əzib atırıq.
Bilmirdin, yol güdən özünü güdür?
Nəyini sevmişdin dəli Kərimin?
Çəkil, kainatı sahmana salım,
Yeri behişt olsun Əli Kərimin……