Şair Məhəmməd Hadiyə.
Yaxşı-yaman,yaman-yaxşı,
Haram-hiylə,halal-naşı.
Dünyanın itibmi başı,
Bəmdə hallana-hallana?
Ürəkdən gəlməyən sözü
Yazanın ağ olmaz üzü.
İkiliyə necə dözüm,
Bütöv hallana-hallana?
Haram mənim yarım deyil,
Bütöv qəmdir,yarım deyil.
Harın:”Mənə yarın!”-deyir,
Qızıb yallana-yallana.
Şeiri dərdə satan bilər,
Alan bilməz,atan bilər…
Nə çəkirəm-batan bilər,
Sözdən sallana-sallana!
12.01.2001.
Azərbaycan.Quba.