Şairə-jurnalist-publisist
Azərbaycan Yazıçılar Birliyinin üzvü,
“Qızıl qələm” media mükafatı laureatı,
ƏLİNCƏ
“Vətənimdir” – silsiləsindən
Əlincə- dedikdə, vaxt, zaman durur,
Əlincə- söylənsə, qəlb möhkəm vurur.
Əlincə- ürəkdə, iftixar, qürur,
Hünər, qeyrət, namus – adlı düşüncə,
Dünya dəyişsə də, yaşar Əlincə.
Əlincə- tarixin daş səlnaməsi,
Əlincə- xalqımın daşlaşmış səsi.
Əlincə- Turanın zəfər nəğməsi,
Diz çöküb önündə, çox qəsb, işgəncə,
Vətən dara düşsə, coşar Əlincə.
Əlincə- savaşda, cəngdə birinci,
Əlincə- ulusun, elin güvənci.
Əlincə heyratı,humayın, cəngi,
Hər zaman hazırdır döyüşə, cəngə,
Zəfərdən -zəfərə, qoşar Əlincə.
Əlincə- yenilməz, yurdun dayağı,
Əlincə- ölkəmin qeyrət bayrağı.
Əlincə- güc rəmzi,sirr, heyrət dağı,
Yağılar tük tökür, boyun görüncə,
Dövran gəldi- gedər, yaşar Əlincə…
S Ə N S Ə N
“Könül dəftərim” – silsiləsindən
Sənsən mənim ömrüm, günüm, həyatım,
Sənsən mənim şan-şöhrətim, büsatım.
Sənsən nəğməm,qoşmam,qəzəl, bayatım,
Sevə-sevə xəyalına daldığım,
Illər boyu həsrətiylə yandığım.
Sənsən sevən ürəyimin parası,
Sənsən görən gözlərimin qarası.
Sənsən bütün dərdlərimin çarası,
Gecə-gündüz şəfa umub, andığım,
Illər boyu həsrətiylə yandığım.
Sənsən mənim saf eşqimi süsləyən,
Sənsən məni ümidlərlə bəsləyən.
Sənsən məni sabahlara səsləyən,
Ey şəfqətli, nurlu, mələk sandığım,
Illər boyu həsrətiylə yandığım.
Sənsən sair Dövranın təbb, ilhamı,
Sənsən onun xoş hicranı, həm kamı.
Səni mənə yaraşdırır el, hamı,
Eşq atəşin sevgisindən aldiğım,
Illər boyu həsrətiylə yandığım.