Azərbaycanın dəyərli oğlu, dahi bəstəkar Üzeyir Hacıbəylinin 131 illik yubileyi münasibətilə Sumqayıtın mədəniyyət müəssisələrində silsilə tədbirlər keçirilib.
“28 May” mədəniyyət evi də bu tədbirlərə “Xalq teatrı”nın tamaşasıyla qatılıb.
Belə ki, mədəniyyət evinin nəznində fəaliyyət göstərən “Xalq teatrı” tərəfindən Üzeyir bəyin “Arşın mal alan”, “O olmasın, bu olsun” və “Leyli və Məcnun” operettaları əsasında “Mənim yaratdıqlarım” adlı tamaşa hazırlanıb.
Tamaşanın rejissoru Amil Babayev, quruluşçu rəssamı Aytən Xanəliyeva, musiqi tərtibatçısı Kazım Əsgərlidir.
Qeyd edək ki, əsasən tərkibi gənclərdən ibarət olan yaradıcı heyətin tamaşada nümayiş etdirdikləri yüksək aktyorluq qabiliyyəti və özlərinə xas olan səhnə performansı tamaşaçılar tərəfindən alqışlarla qarşılanıb.
Xatırladaq ki, bu, “Xalq teatrı”nın 16 illik fasilədən sonra tamaşaçılarla ikinci görüşüdür.
Sumqayıt şəhər Mədəniyyət və Turizm idarəsinin Mətbuat xidməti