Çağdaş Azərbaycan ədəbiyyatının görkəmli nümayəndəsini, Azərbaycan Yazıçılar və Jurnalistlər Birliklərinin üzvünü, Dünya Azərbaycanlılarının Mədəniyyət Mərkəzinin Mətbuat xidmətinin rəhbərini, “Azad qələm” qəzetinin və “Ali Ziya” jurnalının təsisçisi və baş redaktoru, şairə-publisist Nəcibə İlkinin “Sözün ölçüsü və çəkisi” (fikirlər və rəylər) adlı yeni kitabı işıq üzü görüb.
Kitabda müəllifin müxtəlif illərdə qələmə aldığı fikirlər və rəylər toplanıb.Kitab müəllifin oxucularla sayca yeddinci görüşüdür.Geniş oxucu auditoriyası üçün nəzərdə tutulub.Ədəbiyyatsevərlərin, poeziya həvəskarlarının rəğbətini qazanacağına ümid edirik.
Qeyd edək ki, bundan öncə “Könlüm nağıl istəyir” adlı yeni şeirlər kitabı 2016-cı ildə respublikanın paytaxtı Bakı şəhərində fəaliyyət göstərən “Adiloğlu” nəşriyyatı tərəfindən 104 səhifə həcmində 300 tirajla işıq üzü görmüşdü.Kitabın redaktoru Xalq şairi, Əməkdar incəsənət xadimi Fikrət Qoca idi.
Kamran MURQUZOV,
Azərbaycanın Mədəniyyət və Ədəbiyyat Portalının
Mətbuat xidmətinin rəhbəri,
Azərbaycan Jurnalistlər Birliyinin üzvü