Aldanmışam sәrvәtinә dünyanın,
Ömrüm-günüm yalan mәnim, puç mәnim.
Nahaq yerә yaxasından yapışdım,
Tәqsir mәnim, günah mәnim, suç mәnim.
Beş-altı gün yas paltarı geyәrlәr,
Hәrdәn yaxşı, hәrdәn yaman deyәrlәr.
Ehsanımı şirin-şirin yeyәrlәr,
Qırxa qәdәr yeddi mәnim, üç mәnim.
Qәlәm alsın baş daşımı yazanlar,
Bel götürsün mәzarımı qazanlar.
Ay Zәlimxan, ağı desin ozanlar,
Kәfәn mәnim, karvan mәnim, köç mәnim.