Azərbaycanın Mədəniyyət və Ədəbiyyat Portalının Baş redaktor müavini
Susqun baxışlarla baxırsan mənə,
Dinib danışmırsan, nə olub sənə?
Sən canın, ayrılıqdan daha söz etmə,
Yorulmuşam daha hər şeydən, Vallah!
Xəstəsi olmuşdum baxışlarının,
İzinə düşmüşdüm qarışlarının,
Heyranıydım çatılan o qaşlarının,
Yorulmuşam daha hər şeydən, Vallah!
Yollarına çıxıb yol gözləyərdim,
İncitsən, yenə də CAN söyləyərdim,
Kaş, eşqin yerinə özüm öleydim,
Yorulmuşam daha hər şeydən, Vallah!
Qurumuş dodaqda bir səs idin sən,
Qulağıma gələn xoş səs idin sən,
İçib eşq meyindən sərxoş idin sən,
Yorulmuşam daha hər şeydən, Vallah!
Daha yazmayacam haqqında sənin,
Nə dilim danışmaz, nə gəlməz təbim,
Ruhdan düşmüşəm mən, yazmır qələmim,
Yorulmuşam daha hər şeydən, Vallah!
İntizar, sözünün sehrinə düşdüm,
Bu geniş dünyadan küsdüm, bezikdim.
Sözünə qüvvət olsun, mən də düşündüm,
Yorulmuşam daha hər şeydən, Vallah!