resad_mecid

Azərbaycanın Mədəniyyət və Ədəbiyyat Portalının Mətbuat xidmətinin yaydığı məlumata görə, 8 yanvar 2014-cü il tarixdə Azərbaycan Yazıçılar Birliyinin “Natəvan” klubunda “Gənc Ədiblər Məktəbi”nin növbəti toplantısı keçirildi.Düzənlənən tədbir saat 14:00-dan-17:00-a qədər davam etdi.Tədbiri giriş sözü ilə açan Azərbaycan Yazıçılar Birliyinin gənclər üzrə katibi, “525-ci qəzet”in baş redaktoru Rəşad Məcid ilk növbədə tədbir iştiakçılarını salamladı, rəhəbri olduğu “Gənc Ədiblər Məktəbi”nin yaranma tarixindən bu günə qədər keçdiyi inkişaf mərhələsindən, məktəbin fəal üzvlərindən, Azərbaycan Respublikası Prezidentinin Təqaüd Fondunun təqaüdünə layiq görülən gənc yazarlar haqqında söhbət açdı, Azərbaycan Yazıçılar Birliyinə üzv olmaq üçün gənc yazarlara köməklik edəcəyini, gənc yazarlara məktəbin facebook sosial şəbəkəsində olan səhifəsində fəal iştirak etməyə, ədəbi-bədii nümunələrini oxumağa çağırdı.Sonra sözü tənqidçi Əsəd Cahangirə verdi.Əsəd Cahangir də öz növbəsində tədbir iştirakçılarını salamladıqdan sonra Azərbaycan xalqının istedadlı xalq olduğunu, dünyada Azərbaycan qədər istedadlı bir xalqın olmadığını iştirakçıların diqqətinə çatdırdı.
“Gənc Ədiblər Məktəbi”nin rəhbəri Rəşad Məcid düzənlənən tədbirə toplaşan gənc yazarların hər biri üçün beş dəqiqə ayırdığını nəzərə çatdırıb hər bir gənc yazara uğurlar dilədi.Sonra Azərbaycanın müxtəlif şəhər və bölgələrindən gələn gənc istedadlı gənc yazarlar Nəzakət Bədirova, Günel Gün, Tural Sahab, Gülnarə İsrafilqızı, Kənan Aydınoğlu, Bahadur Əlizadə, Elçin Aslangil və digər gənc yazarlar öz şeirlərini, məqalələrini, esselərini tədbir iştirakçıları üçün oxudular.Tənqidçi Əsəd Cahangir də gənc yazarları dinlədikdən sonra öz fikirlərini bildirdi.
“Gənc Ədiblər Məktəbi”nin 10-a yaxın üzvlərinin Azərbaycan Yazıçılar Birliyinə üzvlər qəbul olunması qərara alınıb.
Hal-hazırda “Gənc Ədiblər Məktəbi”nin 150-yə yaxın üzvü var.Son bir il ərzində 20-yə yaxın üzvü Azərbaycan Yazıçılar Birliyinə üzv qəbul edilib, 10-a yaxın üzvü isə Prezident təqaüdünə layiq görülüb.
Qeyd edək ki, “Gənc Ədiblər Məktəbi” 2008-ci ildə Azərbaycan Respublikası Mədəniyyət və Turizm Nazirliyi və Azərbaycan Yazıçılar Birliyi tərəfindən yaradılıb.”Gənc Ədiblər Məktəbi”nin rəhbəri Azərbaycan Yazıçılar Birliyinin gənclər üzrə katibi, “525-ci qəzet”in baş redaktoru Rəşad Məcid, Məsul katibi isə Azərbaycan Yazıçılar Birliyinin üzvü, Azərbaycan Respublikası Prezidentinin Təqaüd Fondunun təqaüdçüsü Emin Piridir.