Ömründə doyunca çəkənmədim nazını
Həyat qara gətirdi baharımı , yazımı
Xoş nəğmələr çaldığım mənim telli sazımı
daha dinləndirən yox soyuq odam birdə mən
mən yenidən əbədi anamı istəyirəm…
Gəlsin mənim başıma əl çəksin o yenidən
İsinim nəfəsində bir ah çəkim dərindən
Qurtulum bu dünyada ən böyük dərdlərimdən
Gözümdəki baxdığım şöləm sənsən nurum sən
Mən yenidən əbədi anamı istəyirəm…
Sən olmadan həyatın inan yoxdur marağı
Evimin də elə bil tamam sönüb çırağı
Qəlbimin istisinə elə dolub sazağı
Ruhumdakı aynamı görmək istəyirəm mən
Mən yenidən əbədi anamı istəyirəm.
Lay lay çalan dilim yox, dizlərimdə taqətim
Səni bəlkə doyunca inan sevə bilmədim
Sənsizlikdə o qədər əzabla gecələdim
Qayıt daha başımda pərvanəmsən şəmimsən
Mən yenidən əbədi anamı istəyirəm…
Fidan bəlkə hər övlad deyə bilmir dil ilə
Sevgisini bildirir daim əməllərilə
Bütün varlıqlar əziz ancaq Anam mənimlə
Daim qürur duyacaq deyəcəyəm mənimsən
Mən yenidən əbədi anamı istəyirəm……