“Aşıq Şəmşir Mədəniyyət Ocağı” İctimai Birliyi və www.vehdet.org elan edir
Türk dünyası yazarlarının antologiyası
Seriyalar şəklində, I hissə
Əziz oxucular, istəkli poeziyasevərlər, bədii yaradıcılıqla məşğul olan həmkarlar! Azad söz, sərbəst və bədii təxəyyülün ifadəsi olan poetik fakir daşıyıcıları daim xalqın görən gözü, yazan əli olub. Bu gün də belədir. Hətta, bu gün daha geniş imkanlar açılıb ki, Söz sərhədləri tanımadan xalqları, millətləri bir-birə sevdirsin, qovuşdursun. Yəni Mədəniyyətlərarası Dialoqa ehtiyacın ciddi duyulduğu bir zamanda biz qələm sahiblərini, əslində isə Türk dünyası yazarlarını bir araya gətirmək, onların yaradıcılığı ilə yaxından tanış olmaq və onları bir-birə tanıtmaq məqsədi daşyan “SÖZÜMÜZ VƏ ƏMƏLİMİZ BİR, AMALIMIZ BİRLİK. Türk dünyası yazarları antologiyası Seriyalar şəklində” adlı bir layihə tərtib etdik. İstərdik ki, bu layihəyə qoşulanların sayı az olmasın. Bu, möhtəşəm bir xalq diplomatiyası layihəsi hesab olunmalıdır. Dövələtimizin və xalqımızın humanizm siyasətinə dəstək kimi anlaşılan bu layihə reallaşarsa, biz ümumi ədəbi birliyimizə nail olarıq. Bu işdə sizi birliyə və həmrəyliyə səsləyirik. Layihədə bədii yaradıcılıqla məşğul olan həmkarlarımızı və türk dünyasının əli qələm, dili kəlamlılarını görmək istərdik. Hazırlanan bu toplu bir neçə seriyadan ibarət olacaq, inşallah! Layihədə iştirak etmək istəyənlərin nəzərinə onun şərtlərini təqdim edirik:
1.Layihədə 18 yaşdan yuxarı olan qələm sahibləri (siyasi və ictimai baxışından asılı olmayaraq) iştirak edə bilər.
2.Əsərlərdə mövzu və janr məhdudiyyəti yoxdu.
3.Layihədə siyasi, əxaqi dəyərlərə zidd, dini və milli ayrı-seçkilik yarada bilən əsərlər qəbul olunmayacaq.
4.İştirakçılar NƏZM bölməsi üzrə dörd şeir, NƏSR bölməsi üzrə isə həcmindən aslı olaraq bir və ya iki yazı və qısa tərcümeyi hal göndərməlidi.
5.Yetərli sayda iştirakçı olduğu halda Bakı və Gəncə şəhərlərində təqdimat günləri keçiriləcək.
6. İştirakçılar əsərlərini 31 yanvar 2015-ci il tarixədək aşağıda göstərilən ünvanlara göndərə bilər.
7.Əsərləri – Edebi-islami.vehdet@yandex.ru e-mail adresinə göndərə bilərsiz.
8.Bütün sual,irad və məsləhətlərinizi də göstərilən ünvana göndərə bilərsiz.
Layihə rəhbəri:
Gülnarə Sadiq
Məhəmməd Nərimanoğlu