Səndən bir xatirə qalıb,
Yol yoldaşım olub mənim.
Qəlbim səni sənsiz anıb,
Dərd sirdaşım olub mənim.
Səndən bir xatirə qalıb,
Hara getsəm aparıram.
Tale səni mənə yazıb,
Ürəyimdə daşıyıram.
Səndən bir xatirə qalıb,
Tək təsəllim ,tək ümidim,
Səni məndən kim qoparıb?
Söylə, sənsiz hara gedim?
Səndən bir xatirə qalıb,
Mən onunla yaşayıram.
Bu gənc ruhum tez qocalıb,
Ölümə yaxınlaşıram.